قازاقستاندىق اكتريسا جانە پروديۋسەر داريعا بادىقوۆا تۇسىرگەن فيلمدەر وتاندىق پروكاتتا رەكورد ورناتتى.
سوڭعى ءۇش جىلدا جارىق كورگەن تۋىندىلارىنىڭ جيىنتىق تابىسى 4,7 ملرد تەڭگەدەن اسىپ، قازاقستان كينويندۋسترياسى تاريحىندا بۇرىن-سوڭدى بولماعان كورسەتكىشكە جەتتى، دەپ حابارلايدى "ادىرنا".
Rentrak جۇيەسىنىڭ رەسمي دەرەكتەرىنە سايكەس، بادىقوۆانىڭ 2023–2025 جىلدار ارالىعىندا شىققان فيلمدەرىنىڭ تابىسى مىناداي:
-
«تاپتىم-اۋ سەنى» (2023) – 1 834 702 810 تەڭگە
-
«ىستىق ۇيا» (2025) – 1 754 600 300 تەڭگە
-
«تاپتىم-اۋ سەنى 2» (2024) – 1 198 850 506 تەڭگە
وسىلايشا، ءۇش كارتينانىڭ جالپى تابىسى 4 ملرد 788 ملن تەڭگەدەن جوعارى بولدى.
بادىقوۆانىڭ سوڭعى جۇمىسى – درامالىق جانرداعى «ىستىق ۇيا» ءفيلمى پروكات باستالعاننان كەيىن قىسقا ۋاقىت ىشىندە 1,7 ملرد تەڭگەدەن استام قارجى جيناپ، 2025 جىلعى ەڭ كاسسالى قازاقستاندىق فيلم اتاندى. جيناعان تابىسى بويىنشا ول قازاقستان تاريحىنداعى بارلىق فيلمدەر ىشىندە ەكىنشى ورىنعا كوتەرىلدى.
رەيتينگتىڭ ءبىرىنشى ساتىسىندا ءالى كۇنگە دەيىن بادىقوۆانىڭ ءوز شىعارماسى – «تاپتىم-اۋ سەنى» ءفيلمى تۇر.
