بالالاردىڭ سەمىزدىگىمەن كۇرەسۋ ءۇشىن ءتاتتى گازدالعان سۋسىنداردىڭ باعاسى كوتەرىلمەك. بۇل تۋرالى دەنساۋلىق ساقتاۋ ۆيتسە-ءمينيسترى ۆياچەسلاۆ دۋدنيك مينيسترلىكتىڭ گازدالعان سۋسىنعا ارنالعان اكتسيزدەردى قىمباتتاتۋ ماسەلەسىن كوتەرگەنىن ايتادى، دەپ حابارلايدى “ادىرنا” ۇلتتىق پورتالى.
سەمىزدىك بويىنشا ماسەلە ماڭىزدى. بۇل سۋسىنداردا قانت كونتسەنتراتسياسى جوعارى. بۇل بالالاردىڭ دەنساۋلىعىنا اسەر ەتىپ، قانت ديابەتى مەن سەمىزدىكتىڭ پايدا بولۋىنا اكەپ سوعۋى مۇمكىن، – دەدى ول.
ۆيتسە-مينيستر وقۋشىلار اراسىندا كورۋ قابىلەتىندەگى اۋىتقۋلار ءجيى كەزدەسەتىنىن مالىمدەدى. ەكىنشى ورىندا ورتالىق جۇيكە جۇيەسىندەگى اۋىتقۋلار، ءۇشىنشى ورىندا بۇكىرەيۋ تۇر ەكەن.
ودان بولەك، بريفينگ بارىسىندا ۆياچەسلاۆ دۋدنيك وقۋشىلاردىڭ 10 پايىزى ەلەكتروندى تەمەكى نەمەسە ۆەيپ شەگەتىنىن ايتتى.
ونىڭ ۇستىنە 13-15 ارالىعىندا قىزدار مەن ۇلدار اراسىندا ولاردىڭ ۇلەسى ارتا تۇسەدى. مينيسترلىك زاڭدى جەتىلدىرۋ بويىنشا اقپاراتتىق-تۇسىندىرمە جۇمىستارىن جۇرگىزەدى، – دەپ قوستى ۆيتسە-مينيستر.
