الماتى بلوك-بەكەتىندە قايتىس بولعان داستان ابدىقانوۆتىڭ اناسى جاناتگۇل ابيروۆا ءىnstagram پاراقشاسىندا پرەزيدەنت ق.توقاەۆتان كومەك سۇراپ، قىلمىسكەردى ءادىل جازالاۋدى سۇرادى.
"مەن قىزمەت بابىندا قازا بولعان ابدىقانوۆ داستاننىڭ اناسىمىن. داستان 26 جاسىندا ەلى مەن وتانى الدىندا ادال قىزمەت ەتىپ ءجۇرىپ، كىسى قولىنان قازا بولدى. الەۋمەتتىك جەلىدەن كەلىنىم دينارا كۇيەۋىنىڭ ولىمىنە كىنالى ازات ازاماتوۆتىڭ سۋرەتىن كورگەندە بىردەن تانىعان. سەبەبى، ول كۇيەۋى جۇمىستا بولعان ۋاقىتتا ۇنەمى سويلەسىپ وتىرعان، ونىڭ كىممەن بىرگە سمەنگە تۇسەتىنىن جاقسى بىلگەن. "قىلمىسكەردىڭ پوليتسيادا ءالى دە جۇمىس ىستەيتىنىن، جەلىدە جالعان اقپارات تارالىپ جاتقاندىعىن، تەك شىندىقتى ايتىڭىزدار" دەپ جازعانىن راستايمىن. اكەسى تىلشىلەرگە كەلىنىمەن سويلەسپەي تۇرىپ، «ءوز ويىمەن كەلىنىم ەشقانداي جازبا قالدىرعان جوق» دەپ سۇقبات بەرگەن. شىندىعىندا كەلىنىنىڭ جازباسى تۋرالى بىلمەگەن. ءبىزدىڭ ءبىر-بىرىمىزبەن اڭگىمەلەسىپ، جەلى قاراپ، تالقىلاۋعا جاعدايمىز بولعان جوق. مەن ۇلىمنىڭ ابىرويىنا نۇقسان كەلمەۋىن جانە قىلمىسكەردىڭ ءادىل، زاڭ تالاپتارىنا ساي، قاتاڭ جازالانۋىن سۇرايمىن. بۇل اسا قايعىلى ءىستىڭ اق قاراسىن انىقتاپ، قانىشەر قىلمىسكەردىڭ ءادىل جازاسىن الۋىن تالاپ ەتەمىن. مەن ەشكىمگە سەنبەيمىن. قۇرمەتتى پرەزيدەنت قاسىم-جومارت كەمەلۇلى توقاەۆ مىرزا وسى ءىس تىكەلەي ءوز باقىلاۋىڭىزدا بولىپ، قىلمىسكەر ءادىل جازاسىن الادى دەپ، سەنەمىن", - دەپ جازبا جاريالاعان.
ەسكە سالا كەتسەك، بۇعان دەيىن الماتىداعى بلوكپوستتا بولعان جول-كولىك وقيعاسىنان كوز جۇمعان پوليتسەيدىڭ جۇبايى دينارا ابدىقانوۆا BMW جۇرگىزۋشىسى ازات ازاماتوۆتىڭ قاتارداعى قۇقىق قورعاۋ قىزمەتكەرى ەكەنىن حابارلاعان. ال ازات ازاماتوۆتىڭ اكەسى ۇلىنىڭ ىسىنە وكىنەتىنىن ايتىپ، كەشىرىم سۇراعان.
"ادىرنا" ۇلتتىق پورتالى
https://www.instagram.com/abirovazhanatgul/
