Almaty blok-beketinde qaıtys bolǵan Dastan Ábdiqanovtyń anasy Janatgúl Abırova instagram paraqshasynda prezıdent Q.Toqaevtan kómek surap, qylmyskerdi ádil jazalaýdy surady.
"Men qyzmet babynda qaza bolǵan Abdyqanov Dastannyń anasymyn. Dastan 26 jasynda Eli men Otany aldynda adal qyzmet etip júrip, kisi qolynan qaza boldy. Áleýmettik jeliden kelinim Dınara kúıeýiniń ólimine kináli Azat Azamatovtyń sýretin kórgende birden tanyǵan. Sebebi, ol kúıeýi jumysta bolǵan ýaqytta únemi sóılesip otyrǵan, onyń kimmen birge smenge túsetinin jaqsy bilgen. "Qylmyskerdiń polıııada áli de jumys isteıtinin, jelide jalǵan aqparat taralyp jatqandyǵyn, tek shyndyqty aıtyńyzdar" dep jazǵanyn rastaımyn. Ákesi tilshilerge kelinimen sóılespeı turyp, «óz oıymen kelinim eshqandaı jazba qaldyrǵan joq» dep suqbat bergen. Shyndyǵynda kelininiń jazbasy týraly bilmegen. Bizdiń bir-birimizben áńgimelesip, jeli qarap, talqylaýǵa jaǵdaımyz bolǵan joq. Men ulymnyń abyroıyna nuqsan kelmeýin jáne qylmyskerdiń ádil, zań talaptaryna saı, qatań jazalanýyn suraımyn. Bul asa qaıǵyly istiń aq qarasyn anyqtap, qanysher qylmyskerdiń ádil jazasyn alýyn talap etemin. Men eshkimge senbeımin. Qurmetti Prezıdent Qasym-Jomart Kemeluly Toqaev myrza osy is tikeleı óz baqylaýyńyzda bolyp, qylmysker ádil jazasyn alady dep, senemin", - dep jazba jarııalaǵan.
Eske sala ketsek, buǵan deıin Almatydaǵy blokpostta bolǵan jol-kólik oqıǵasynan kóz jumǵan polıeıdiń jubaıy Dınara Ábdiqanova BMW júrgizýshisi Azat Azamatovtyń qatardaǵy quqyq qorǵaý qyzmetkeri ekenin habarlaǵan. Al Azat Azamatovtyń ákesi ulynyń isine ókinetinin aıtyp, keshirim suraǵan.
"Adyrna" ulttyq portaly
https://www.instagram.com/abirovazhanatgul/
