اتىراۋدا جوعالىپ كەتكەن 1,5 جاستاعى بالانىڭ دەنەسى ءۇيىنىڭ قاسىنان تابىلدى. بۇل تۋرالى ءوڭىردىڭ جەدەل شتابى مالىمدەدى، دەپ جازادى baq.kz.
بەلگىلى بولعانداي، بالانىڭ ءمايىتى ءۇيىنىڭ جانىنداعى سەپتيكتەن تابىلعان.
بۇرىن حابارلانعانداي، جوعالعان بالانى ىزدەۋگە جۇزدەن استام پوليتسەي، 50 اسكەري قىزمەتشى، تجد 16 قىزمەتكەرى جانە 400-گە جۋىق ەرىكتى قاتىستى.
سونداي-اق 20-دان استام اۆتوتەحنيكا، ءۇش درون، ەكى قىزمەتتىك يت جۇمىلدىرىلدى. 1,5 جاستاعى ءالي 20 مامىر كۇنى شامامەن 13.30-دا ۇيدەن شىعىپ كەتىپ، ورالماعان.
Azh.kz جازۋىنشا، جاقىن ماڭداعى باقىلاۋ كامەراسىنىڭ جازباسىندا بالانىڭ اۋلادا تۇرعاندىعى كورىنەدى، كەيىن ول جەردەن قوزعالادى. ولجاس سۇلتانوۆتىڭ ايتۋىنشا، بالانىڭ اناسى بىرنەشە مينۋتقا ۇيگە كىرىپ، بالا دالادا قالادى. ايەل سىرتقا شىققان سوڭ بالاسىن اينالا ىزدەپ، تابا الماي قالادى.
