اتىراۋدا تۇرعىن ءۇيدىڭ 200 شارشى مەترى جانىپ كەتتى. سەبەبى پەنتحاۋس تۇرعىندارىنىڭ ءبىرى شاتىردا كاۋاپ دايىنداعان. بۇل تۋرالى ۆرەميا باسىلىمى جاريالادى، دەپ حابارلايدى “ادىرنا” ۇلتتىق پورتالى.
5 مامىردا كەشكى ساعات سەگىز شاماسىندا ماحامبەت كوشەسىندەگى "لاگۋنا" تۇرعىن ءۇي كەشەنىنىڭ توبەسىندە ءورت شىققانى تۋرالى ءورت ءسوندىرۋ بولىمىنەن حابارلاما كەلىپ ءتۇستى.
وقيعا ورنىنا كەلگەن پوليتسيا مايورى قۋانىش بوزاقاەۆ پەن پوليتسيا كاپيتانى ەرلان مىرزاگەرەەۆ توعىزىنشى قاباتتاعى پاتەرگە كوتەرىلىپ، ءورتتى سوندىرۋگە كىرىستى. شىندىعىندا، شاتىردان شىققان ءورت جوعارعى قاباتتاعى پاتەردىڭ بالكونىنا جايىلىپ، پاتەردىڭ وزىندە ءورت باستالدى. ەكى پوليتسيا ونى ۋاقىتىلى وقشاۋلاپ، ءۇيدىڭ 25 تۇرعىنىن قاۋىپسىز جەرگە شىعاردى.
ء“بىر ساعات ىشىندە تۇرعىن ءۇي كەشەنىندەگى ءورت ءوشىرىلدى. زارداپ شەككەندەر جوق”، – دەپ حابارلادى تجد.
