قر ەڭبەك سىڭىرگەن ءارتىسى، «قۇرمەت» وردەنىنىڭ يەگەرى، قازاقستان كومپوزيتورلار وداعىنىڭ مۇشەسى، ءانشى، كومپوزيتور گۇلنار داۋكەنوۆا قايتىس بولدى، دەپ حابارلايدى adyrna.kzاق پورتالى.
وسىناۋ قايعىلى حابار جايىندا ق. قۋانىشباەۆ اتىنداعى قازاق مەملەكەتتىك اكادەميالىق دراما تەاترىنىڭ ديرەكتورى، رەجيسسەر اسحات ماەميروۆ facebook پاراقشاسىندا جازدى.
"الاشىن ومىرشەڭ اندەرىمەن، كوكەي̆كەستى كۇي̆لەرىمەن تەربەگەن ءانشى-كومپوزيتور، قۆزاقستاننىڭ ەڭبەك سىڭىرگەن ءارتيسى، قر كومپوزيتورلار وداعىنىڭ مۇشەسى گۇلنار داۋكەنوۆا ومىردەن ءوتتى.
حالىق اراسىنا كەڭىنەن تانىلعان "ساعىندىم ساعىم جىلدار", "كۇرەڭ كۇز", "قاي̆ران ۋاقىت", "شىڭداعى شىنارىم-اي̆", ء"مولدىر سەزىم" سەكىلدى كوپتەگەن اندەردىڭ اۆتورى گۇلنار داۋكەنوۆا اپكەمىزدىڭ تۋىندىلارى دا، ءوزىنىڭ جان دۇنيەسى سەكىلدى شىناي̆ىلىققا، سىرشىلدىققا، ليريزمگە تولى بولاتىن. شيرەك عاسىردان استام ۋاقىت ۇلتتىق مۋزىكامىزدىڭ قارا شاڭىراعى - قۇرمانعازى وركەسترىندە ەڭبەك ەتتى.
ەلىمىز تاۋەلسىزدىگىن العان تۇستا ۇلكەن تولعانىستان تۋعان "جاساي̆ بەر، قازاقستانىم!" كۇي̆ى - كوپتەگەن وركەسترلەردىڭ رەپەرتۋارىنىڭ التىن قورىنا ەندى. ەلگە دەگەن ماحابباتىن انمەن، كۇي̆مەن ورنەكتەگەن گۇلنار اپا - ومىردە كىشىلىك پەن كىسىلىكتى، ادالدىق پەن مەي̆ىرىمدى، ادامگەرشىلىك اسىل قاسيەتتەردى تۋ ەتتى.
كوپتەگەن اندەرى - مارقۇم ءمادينا ەراليەۆا شىعارماشىلىعىنىڭ بوي̆تۇمارىنا اي̆نالدى. حالىق ارتيستەرى ن.ءنۇسىپجانوۆ، ر.رىمباەۆا، م.ءجۇنىسوۆا جانە ا.قوسانوۆا، گ.داۋىرباەۆا، ت.اسار، م.تۇسىپباەۆا، ا.يمانباي، گ.ورازىمبەتوۆا، ا.كەرىمبەكوۆا، ميراس پەن قۇرالاي، "جىگىتتەر" كۆارتەتى، "كەشيۋ" توپتارىنىڭ رەپەتۋارىنان گ.داۋكەنوۆانىڭ اندەرى بەرىك ورىن الدى.
ونەر الەمىندە وزىندىك ورنى، ءوز بيىگى بار گۇلنار داۋكەنوۆا - ءۇرجاردىڭ قاسيەتتى توپىراعىنان تۇلەپ ۇشىپ، "شىعىستىڭ شىنارى" اتاندى. گۇلنار اپكە - اقجارقىن جەڭگەمىز ەدى، اقجاي̆ىق ءوڭىرىنىڭ سىي̆لى كەلىنى ەدى. تاعدىر قوسقان سەرىگى - دونەدىل قاجىموۆ تا ەلىمىزگە تانىمال ءانشى-كومپوزيتور، قازاقستاننىڭ ەڭبەك سىڭىرگەن قاي̆راتكەرى. "تاس تۇسكەن جەرىنە اۋىر",- دەي̆دى بابالارىمىز، دونەدىل اعامىزعا قاي̆عىرىپ كوڭىل اي̆تامىز. گۇلنار جەڭگەمنىڭ ءومىرىنىڭ ءمانى - تۋعان بالا-كەلىنى المابەك ءىنىمىز بەن گۇلزينا كەلىنىمىزگە بارلىق باۋىر-جەكجاتتارىنا قاي̆عىرىپ كوڭىل اي̆تامىن!
قوش بولىڭىز، شىڭداعى شىنار سىندى - گۇلنار اپكە، گۇلنار جەڭەشە! ساعىم جىلداردىڭ ىشىندە ءسىزدى ساعىنعان شاقتاردا، ءار قازاقتىڭ جۇرەگىندە ءسىزدىڭ اندەرىڭىز جۇرەتىنىنە سەنەمىن! يمانىڭىز جولداس بولسىن، اياۋلى گۇلنار-جەڭەشە، گۇلنار-اپكە!" دەپ كوڭىل ايتتى ول.
كۇرەڭ كۇز
ءانىن جازعان: گ. داۋكەنوۆا
ءسوزىن جازعان: م. ماقاتاەۆ
كۇپ-كۇرەڭ مەنىڭ رەڭىم،
قوش ەندى، قوش بول، كۇرەڭ كۇن!
جاز كەلەر جانە جاپ-جاسىل،
جاقسىلىق تاعى تىلەرمىن.
جادىراپ ءومىر سۇرەرمىن،
قوش ەندى، قوش بول، كۇرەڭ كۇز!
قايىرماسى:
قوش ەندى، قوش بول، كۇرەڭ كۇز
كۇرەڭ مۇڭ ساعان جىبەردىم.
كۇلەرمىن دەپ ەم تۇنەردىڭ.
بىلەرمىن قالاي، بىلەرمىن.
جىرتىلىپ جاتىر كۇرەڭ جەر،
كۇرەڭ جەر - توزعان كىلەمدەر.
كۇرەڭ تاۋ اناۋ، كۇرەڭ بەل،
كۇرەڭ بەل - جيعان كىلەمدەر.
جاز كەلەر جانە جاپ-جاسىل،
جاساۋىن جەردىڭ تۇگەندەر.
قايىرماسى:
قوش ەندى، قوش بول، كۇرەن كۇز!
اق قىستى تەزدەپ جىبەرگىز.
اك قىستاي اپپاق ءبىر ەلمىز،
شيرىعىپ ءبىراز جۇرەرمىز.
قوش ەندى، قوش بول، كۇرەن كۇز،
شىنىعىپ ءومىر سۇرەرمىز.
قايىرماسى:
فوتو: ينتەرنەت جەلىسىنەن
