سەمەي قالاسىندا 22 جاستاعى راحات رايبەكتى ازاپتاپ ولتىرگەن كۇدىكتىگە سوت ۇكىمى شىقتى، دەپ حابارلايدى “ادىرنا” ۇلتتىق پورتالى.
سۋديانىڭ شەشىمى بويىنشا، كۇدىكتى ءارى مارقۇمنىڭ ارىپتەسى 12 جىلعا باس بوستاندىعىنان ايىرىلدى. ول جازاسىن قىلمىستىق اتقارۋ جۇيەسىنىڭ ورتاشا قاۋىپسىز مەكەمەسىندە وتەيدى.
قايعىلى وقيعا جىل باسىندا شىعىس قازاقستان وبلىسى، ءۇرجار اۋدانىندا بولعان. اۋىر جاراقات العان 22 جاستاعى راحات رايبەككە كورسەتىلگەن مەديتسينالىق كومەكتەن بۇرىن كوز جۇمدى. مارقۇمنىڭ تۋىستارى ونىڭ دەنەسىنە 21 رەت پىشاق سالىنعانىن ايتادى.
مارقۇمنىڭ وتباسى سوت ۇكىمىنە نارازىلىق ءبىلدىرىپ، ءىستىڭ ءادىل قارالماعانىن العا تارتۋدا. ولار ەڭ قاتاڭ جازا تاعايىندالۋى ءۇشىن اپەللياتسياعا جۇگىنەتىندەرىن مالىمدەدى.
"قىلمىسكەرگە اسا جوعارى جازا بەرىلگەن جوق. ءبىز ەڭ قاتاڭ جازا تالاپ ەتىپ، بىرنەشە رەت ءوتىنىش جازدىق. وكىنىشكە قاراي، تەرگەۋ مەن سوت پروتسەستەرى ءبىزدى قاناعاتتاندىرمادى. اپەللياتسياعا بەرىپ، شىندىقتىڭ تۇبىنە جەتۋگە تىرىسامىز،"– دەيدى مارقۇمنىڭ اپكەسى شولپان مۇحامەدجانوۆا.
سۋديا جالعان كۋالىك بەرگەندەردىڭ بارلىعىن جاۋاپقا تارتۋ تۋرالى شەشىم شىعاردى.
سونداي-اق، اسكەري كوميسسارياتقا دا تەكسەرىس جۇرگىزىلەتىنىن حابارلادى. قارالى وتباسى بۇل قىلمىسقا قاتىسى بار باسقا دا تۇلعالاردىڭ جاۋاپقا تارتىلۋىن تالاپ ەتۋدە.
