QR Eńbek sińirgen ártisi, «Qurmet» ordeniniń ıegeri, Qazaqstan kompozıtorlar odaǵynyń múshesi, ánshi, kompozıtor Gúlnar Dáýkenova qaıtys boldy, dep habarlaıdy adyrna.kzaq portaly.
Osynaý qaıǵyly habar jaıynda Q. Qýanyshbaev atyndaǵy qazaq memlekettik akademııalyq drama teatrynyń dırektory, rejısser Ashat Maemırov facebook paraqshasynda jazdy.
"Alashyn ómirsheń ánderimen, kókeı̆kesti kúı̆lerimen terbegen ánshi-kompozıtor, Qvzaqstannyń eńbek sińirgen artısi, QR Kompozıtorlar Odaǵynyń múshesi GÚLNÁR DAÝKENOVA ómirden ótti.
Halyq arasyna keńinen tanylǵan "Saǵyndym saǵym jyldar", "Kúreń kúz", "Qaı̆ran ýaqyt", "Shyńdaǵy shynarym-aı̆", "Móldir sezim" sekildi kóptegen ánderdiń avtory Gúlnar Daýkenova ápkemizdiń týyndylary da, Óziniń jan dúnıesi sekildi shynaı̆ylyqqa, syrshyldyqqa, lırızmge toly bolatyn. Shırek ǵasyrdan astam ýaqyt ulttyq mýzykamyzdyń qara shańyraǵy - Qurmanǵazy orkestrinde eńbek etti.
Elimiz táýelsizdigin alǵan tusta úlken tolǵanystan týǵan "Jasaı̆ ber, Qazaqstanym!" kúı̆i - kóptegen orkestrlerdiń repertýarynyń altyn qoryna endi. Elge degen mahabbatyn ánmen, kúı̆men órnektegen Gúlnar apa - ómirde kishilik pen kisilikti, adaldyq pen meı̆irimdi, adamgershilik asyl qasıetterdi tý etti.
Kóptegen ánderi - marqum Mádına Eralıeva shyǵarmashylyǵynyń boı̆tumaryna aı̆naldy. Halyq artısteri N.Núsipjanov, R.Rymbaeva, M.Júnisova jáne A.Qosanova, G.Dáýirbaeva, T.Asar, M.Túsipbaeva, A.Imanbaı, G.Orazymbetova, A.Kerimbekova, Mıras pen Quralaı, "Jigitter" kvarteti, "Keshıý" toptarynyń repetýarynan G.Daýkenovanyń ánderi berik oryn aldy.
Óner áleminde ózindik orny, óz bıigi bar Gúlnar Daýkenova - Úrjardyń qasıetti topyraǵynan túlep ushyp, "Shyǵystyń Shynary" atandy. Gúlnar ápke - aqjarqyn jeńgemiz edi, Aqjaı̆yq óńiriniń syı̆ly kelini edi. Taǵdyr qosqan serigi - Donedil Qajymov ta elimizge tanymal ánshi-kompozıtor, Qazaqstannyń eńbek sińirgen qaı̆ratkeri. "Tas túsken jerine aýyr",- deı̆di babalarymyz, Donedil aǵamyzǵa qaı̆ǵyryp kóńil aı̆tamyz. Gúlnar jeńgemniń ómiriniń máni - týǵan bala-kelini Almabek inimiz ben Gúlzına kelinimizge barlyq baýyr-jekjattaryna qaı̆ǵyryp kóńil aı̆tamyn!
Qosh bolyńyz, shyńdaǵy shynar syndy - Gúlnar ápke, Gúlnar jeńeshe! Saǵym jyldardyń ishinde Sizdi saǵynǵan shaqtarda, ár qazaqtyń júreginde Sizdiń ánderińiz júretinine senemin! Imanyńyz joldas bolsyn, aıaýly Gúlnar-Jeńeshe, Gúlnar-Ápke!" dep kóńil aıtty ol.
KÚREŃ KÚZ
Ánin jazǵan: G. Dáýkenova
Sózin jazǵan: M. Maqataev
Kúp-kúreń meniń reńim,
Qosh endi, qosh bol, kúreń kún!
Jaz keler jáne jap-jasyl,
Jaqsylyq taǵy tilermin.
Jadyrap ómir súrermin,
Qosh endi, qosh bol, kúreń kúz!
Qaıyrmasy:
Qosh endi, qosh bol, kúreń kúz
Kúreń muń saǵan jiberdim.
Kúlermin dep em túnerdiń.
Bilermin qalaı, bilermin.
Jyrtylyp jatyr kúreń jer,
Kúreń jer - tozǵan kilemder.
Kúreń taý anaý, kúreń bel,
Kúreń bel - jıǵan kilemder.
Jaz keler jáne jap-jasyl,
Jasaýyn jerdiń túgender.
Qaıyrmasy:
Qosh endi, qosh bol, kúren kúz!
Aq qysty tezdep jibergiz.
Ak qystaı áppaq bir elmiz,
Shıryǵyp biraz júrermiz.
Qosh endi, qosh bol, kúren kúz,
Shynyǵyp ómir súrermiz.
Qaıyrmasy:
Foto: ınternet jelisinen
