تۇندە اكىمدىك قىزمەتكەرلەرىنىڭ ەشقانداي قۇجاتسىز ، دالەلدى انىقتاماسىز مارقۇمنىڭ اعزاسىنان كوروناۆيرۋس بەلگىلەرى انىقتالدى دەگەن ەسكەرتۋى اعايىن-جۇرتىن ەسەڭگىرەتىپ تاستاپتى. بۇگىن قالالىق اتقارۋشى بيلىكتەن تاڭەرتەڭ دە ماردىمدى جاۋاپ الماعان بەكجان جانۇزاقوۆ ماعان حابارلاسىپ، كومەك سۇرادى.
-"تۇركىستان قالاسى اكىمىنىڭ ورىنباسارى ۇيگە كەلىپ، ءىنىمنىڭ ءمايىتىن بەر دەپ مازالاپ ءبىتتى. كوروناۆيرۋس جۇقتىردى ، ءوزىمىز جەرلەيمىز دەپ ابدەن ساستىردى. اكىمدەردىڭ قولىندا ەشقانداي كوروناۆيرۋسقا شالدىققانىن ايعاقتايتىن انىقتاماسى جوق. استانادان ەشقانداي كەدەرگىسىز ءمايىتتى اكەلدىك.
ءىنىم استانادا اسىلىپ قايتىس بولدى. تاڭعى ءشايدى ءىشىپ، ۇيدەن ءۇنسىز شىعىپ كەتكەن ەكەن. اسىلىپ قالىپتى. 30 جاستا. ءوزى بويداق. ول جاقتاعى باۋىرلارىم دا بۇل اۋرۋدان ءدىن-امان.
ءمايىتحانا قىزمەتكەرلەرى بەرگەن ءىنىمنىڭ " جىپكە بۋىنىپ، ءومىرى قيىلدى" دەگەن انىقتاماسىن اكىمدەر ەلەمەي تۇر.
5 تۋىسقانىم قۇزىرلى ورىنداردان رۇقسات الىپ، تۇركىستاننان استاناعا بارىپ، مارقۇمدى ۇيگە اكەلدىك. ەشكىمگە پارا بەرگەن جوقپىز. اكىمدىكتەن دە اقشا سۇرامادىق. استانالىق تەرگەۋشىلەر دە اكىمدەردىڭ ارەكەتىنە شوك بولىپ وتىر.
بۇگىن قۇران وقىپ، جەر قوينىنا تاپسىرايىن دەسەك، اكىمدەر ءمايىتتى تارتىپ الماقشى. نە ىستەيمىز؟ ءىنىم ونداي اۋرۋمەن اۋىرماعان. اكىمدىك ەشقانداي ەكسپەرتيزا جاساعان جوق. ايعاق جوق. بىراق ءىنىمنىڭ دەنەسىن الىپ كەتپەكشى", - دەپ تۇركىستان قالاسىنىڭ تۇرعىنى بەكجان جانۇزاقوۆ كومەك سۇرايدى.
تۇركىستان قالاسى اكىمدىگىنىڭ بۇل ارەكەتىن ەستىپ، توبە شاشىم تىك تۇردى. اكىمدەر ءمايىتحانا بەرگەن انىقتاماعا نەگە سەنبەيدى ؟ الدە مەنسىنبەي مە؟
مارقۇمنىڭ دەنەسىن ەشقانداي ساراپتاماسىز كوروناۆيرۋس جۇقتىردى دەپ ، ەلدى دۇرلىكتىرگەن اكىم قانداي زاڭعا سۇيەنىپ ءجۇر؟
مەديتسينالىق، سوت ساراپتامالىق ەكسپەرتيزاسىز ءمايىتتى جامان اۋرۋدان ولگەندەردىڭ تىزىمىنە الۋعا اكىمنىڭ قۇقىعى بار ما؟
كەشە الماتىلىق قايتىس بولعان 97 جاستاعى قاريانى دا كۇندىز ساعات 16:42-دە كوروناۆيرۋستان جان تاپسىردى دەپ اقپاراتتىق سايتتار جاريالادى. ال كەشكە اقپاراتتى جوققا شىعارىپ ەدى.
اكىمدىك استانا قالاسىنىڭ دەپارتامەنتى (اتاۋىن بىلمەيدى) مارقۇمنىڭ دەنەسىنەن COVID-2019 بەلگىلەرى بار دەگەن انىقتامانى كورسەتىپتى.
اكىمدىك ءمايىتتى ۇيىنە اكەلگەن سوڭ، باۋىرلارىنا مارقۇمنىڭ جانازاسىن شىعارۋعا رۇقسات بەرىپتى. جاقىن تۋىستارىنا عانا اقتىق ساپارعا شىعارىپ سالۋعا رۇقسات بەرگەن . مايىتكە تيىسۋگە ، جاقىنداۋعا شەكتەۋ قويىپتى. ءارى قاراي سەس ماماندارى قالاداعى زيراتتىڭ ماڭىنا مارقۇمدى بيولوگيالىق سانيتارلىق تالاپتار بويىنشا جەرلەيدى.
ال ءىنىسىنىڭ تابىتىن اكەلە جاتقان 5 اعاسى كارانتينگە جابىلادى.
بەكجاننىڭ ايتۋىنشا اكىمدىك قىزمەتكەرلەرى ءمان-ءجايدى ەسكەرتىپ، ساقتىق شارالارىن ورىنداۋ ءبىزدىڭ مىندەتىمىز دەپتى. ال ونىڭ اعزاسىنان كوروناۆيرۋس انىقتالعانىن جانە جۇمىسسىز ۇيدە وتىرعان ادامنىڭ قالاي جۇقتىرعانىن دالەلدەۋ استانادا قورىتىندى جاساعان دەپارتامەنتتىڭ ءىسى دەپ وتىر. دەپارتامەنتتىڭ اتاۋىن بەكجان بىلمەيدى.
سونىمەن بۇل وقيعادان قانداي وي ءتۇيدىڭىز؟
اكىمدىك دارىگەرلەردىڭ نۇسقاۋىن ورىنداۋشى بولىپ تۇر. ال اۋىرماي، سىرقاماي، ءوزى ومىرىمەن قوشتاسقان مارقۇمعا كۆي بويىنشا تەست جاسالاتىنىن استاناداعى ماماندار تۋىستارىنا نەگە ەسكەرتپەگەن؟
بۇل قۇپيا ۇستايتىن ، ايتۋعا بولمايتىن مەديتسينالىق ساراپتاما ەمەس قوي.بۇكىل الەم جۇرتى بىلەتىن جۇقپالى ىندەت.
تاعى ءبىر قورقاتىن ءجايت، مارقۇمدى تاسىمالداۋشىلار استانادان تۇركىستانعا جەتكەنشە قانشا اداممەن قارىم-قاتىناستا بولدى؟ ەسەپتەي بەرىڭىز. جول-جونەكەي دۇكەنگە كىرسە دە ادامدارمەن قارىم-قاتىناستا بولدى ەمەس پە؟
استانالىق ماماندار نەگە covid2019 جۇقتىرعان ءمايىتتى بەرگەن؟ قانشاما بلوك-بەكەتتەردەن ءوتتى. ەل ارالاپ جەتتى ەمەس پە؟
مەديتسينا قىزمەتكەرلەرى ەل-جۇرتتى نەگە دۇرلىكتىردى؟
بۇل جەردە ارنايى ماماندار ماسەلەنى تۇرعىندارعا و باستان نەگە تۇسىندىرمەيدى؟
تاعى ءبىر قىزىعى استانادان كەلگەن انىقتامادا رۋكوۆوديتەل فيليالا دەگەن ورىن بوس تۇر. ەشكىم قول قويماعان.
اۋىرماي ولسەڭ دە، كوروناۆيرۋستەن قاشىپ قۇتىلمايسىڭ .
مارقۇمنىڭ باۋىرلارىنا كوڭىل ايتامىن.
وسى ناۋرىزدا مارقۇمدى ۇيىنە اكەلىپ، ەمدەتەمىز دەپ تۋىستارى ءارى-بەرى شاپقىلاپ، استانادان بلوك-بەكەتتەن وتكىزە الماپتى.
ەندى باۋىرىمدى تابىتپەن اكەلە جاتىرمىز،- دەپ وكىنىپ وتىر بەكجان.
تۋىستارىنا اللا سابىرلىق بەرسىن. دەگەنمەن مۇنداي جاعدايدا قۇزىرلى ورىندار دا ماسەلەنى داۋرىقتىرماي زاڭ اياسىندا جۇمىس ىستەسىن دەپ سۇرايمىن.
جازيرا بەگالى
