Túnde ákimdik qyzmetkerleriniń eshqandaı qujatsyz , dáleldi anyqtamasyz marqumnyń aǵzasynan koronavırýs belgileri anyqtaldy degen eskertýi aǵaıyn-jurtyn eseńgiretip tastapty. Búgin qalalyq atqarýshy bılikten tańerteń de mardymdy jaýap almaǵan Bekjan Januzaqov maǵan habarlasyp, kómek surady.
-"Túrkistan qalasy ákiminiń orynbasary úıge kelip, inimniń máıitin ber dep mazalap bitti. Koronavırýs juqtyrdy , ózimiz jerleımiz dep ábden sastyrdy. Ákimderdiń qolynda eshqandaı koronavırýsqa shaldyqqanyn aıǵaqtaıtyn anyqtamasy joq. Astanadan eshqandaı kedergisiz máıitti ákeldik.
Inim Astanada asylyp qaıtys boldy. Tańǵy shaıdi iship, úıden únsiz shyǵyp ketken eken. Asylyp qalypty. 30 jasta. Ózi boıdaq. Ol jaqtaǵy baýyrlarym da bul aýrýdan din-aman.
Máıithana qyzmetkerleri bergen inimniń " jipke býynyp, ómiri qıyldy" degen anyqtamasyn ákimder elemeı tur.
5 týysqanym quzyrly oryndardan ruqsat alyp, Túrkistannan Astanaǵa baryp, marqumdy úıge ákeldik. Eshkimge para bergen joqpyz. Ákimdikten de aqsha suramadyq. Astanalyq tergeýshiler de ákimderdiń áreketine shok bolyp otyr.
Búgin quran oqyp, jer qoınyna tapsyraıyn desek, ákimder máıitti tartyp almaqshy. Ne isteımiz? Inim ondaı aýrýmen aýyrmaǵan. Ákimdik eshqandaı ekspertıza jasaǵan joq. Aıǵaq joq. Biraq inimniń denesin alyp ketpekshi", - dep Túrkistan qalasynyń turǵyny Bekjan Januzaqov kómek suraıdy.
Túrkistan qalasy ákimdiginiń bul áreketin estip, tóbe shashym tik turdy. Ákimder máıithana bergen anyqtamaǵa nege senbeıdi ? Álde mensinbeı me?
Marqumnyń denesin eshqandaı saraptamasyz koronavırýs juqtyrdy dep , eldi dúrliktirgen ákim qandaı zańǵa súıenip júr?
Medıınalyq, sot saraptamalyq ekspertızasyz máıitti jaman aýrýdan ólgenderdiń tizimine alýǵa ákimniń quqyǵy bar ma?
Keshe almatylyq qaıtys bolǵan 97 jastaǵy qarııany da kúndiz saǵat 16:42-de koronavırýstan jan tapsyrdy dep aqparattyq saıttar jarııalady. Al keshke aqparatty joqqa shyǵaryp edi.
Ákimdik Astana qalasynyń departamenti (ataýyn bilmeıdi) marqumnyń denesinen COVID-2019 belgileri bar degen anyqtamany kórsetipti.
Ákimdik máıitti úıine ákelgen soń, baýyrlaryna marqumnyń janazasyn shyǵarýǵa ruqsat beripti. Jaqyn týystaryna ǵana aqtyq saparǵa shyǵaryp salýǵa ruqsat bergen . Máıitke tıisýge , jaqyndaýǵa shekteý qoıypty. Ári qaraı SES mamandary qaladaǵy zırattyń mańyna marqumdy bıologııalyq sanıtarlyq talaptar boıynsha jerleıdi.
Al inisiniń tabytyn ákele jatqan 5 aǵasy karantınge jabylady.
Bekjannyń aıtýynsha ákimdik qyzmetkerleri mán-jáıdi eskertip, saqtyq sharalaryn oryndaý bizdiń mindetimiz depti. Al onyń aǵzasynan koronavırýs anyqtalǵanyn jáne jumyssyz úıde otyrǵan adamnyń qalaı juqtyrǵanyn dáleldeý Astanada qorytyndy jasaǵan departamenttiń isi dep otyr. Departamenttiń ataýyn Bekjan bilmeıdi.
Sonymen bul oqıǵadan qandaı oı túıdińiz?
Ákimdik dárigerlerdiń nusqaýyn oryndaýshy bolyp tur. Al aýyrmaı, syrqamaı, ózi ómirimen qoshtasqan marqumǵa kvı boıynsha test jasalatynyn ASTANADAǴY MAMANDAR týystaryna nege eskertpegen?
Bul qupııa ustaıtyn , aıtýǵa bolmaıtyn medıınalyq saraptama emes qoı.Búkil álem jurty biletin juqpaly indet.
Taǵy bir qorqatyn jáıt, marqumdy tasymaldaýshylar Astanadan Túrkistanǵa jetkenshe qansha adammen qarym-qatynasta boldy? Esepteı berińiz. Jol-jónekeı dúkenge kirse de adamdarmen qarym-qatynasta boldy emes pe?
Astanalyq mamandar nege covid2019 juqtyrǵan máıitti bergen? Qanshama blok-beketterden ótti. El aralap jetti emes pe?
Medıına qyzmetkerleri el-jurtty nege dúrliktirdi?
Bul jerde arnaıy mamandar máseleni turǵyndarǵa o bastan nege túsindirmeıdi?
Taǵy bir qyzyǵy Astanadan kelgen anyqtamada rýkovodıtel fılıala degen oryn bos tur. Eshkim qol qoımaǵan.
Aýyrmaı ólseń de, koronavırýsten qashyp qutylmaısyń .
Marqumnyń baýyrlaryna kóńil aıtamyn.
Osy naýryzda marqumdy úıine ákelip, emdetemiz dep týystary ári-beri shapqylap, Astanadan blok-beketten ótkize almapty.
Endi baýyrymdy tabytpen ákele jatyrmyz,- dep ókinip otyr Bekjan.
Týystaryna Alla sabyrlyq bersin. Degenmen mundaı jaǵdaıda quzyrly oryndar da máseleni daýryqtyrmaı zań aıasynda jumys istesin dep suraımyn.
Jazıra Begaly
