پرەزيدەنت تاپسىرماسىنا سايكەس شىمكەنتتە كوكتەمگى دالا جۇمىستارىنا قاجەتتى جانار-جاعارماي قۇنى 174 تەڭگەدەن 160 تەڭگە تومەندەتىلدى. بارلىق اگروقۇرىلىمدار ديزەل وتىنىن ۋاقتىلى الىپ جاتىر. قالا اكىمى مۇرات ايتەنوۆپەن جۇزدەسكەن شارۋالار ديزەلگە تاپشىلىق جوق ەكەنىن ايتتى.
شىمكەنتتە اۋىلشارۋاشلىعى وندىرىسپەن قاتار دامىپ كەلەدى. جالپى قالا اۋماعىندا 62 مىڭ گەكتاردان استام جەر بەر. بيىل ەگىس القابىن وتكەن جىلمەن سالىستىرعاندا 1 مىڭ گەكتارعا ۇلعايتىپ، 27,6 مىڭ گەكتارعا جەتكىزۋ جوسپارلانۋدا.
اگروسەرۆيس «بمب» جاۋاپكەرشىلىگى شەكتەۋلى سەرىكتەستىگى قالاداعى ەڭ ءىرى قوجالىقتىڭ ءبىرى. 3 مىڭ گەكتاردان استام اۋىلشارۋاشىلىق جەرى بار. ونىڭ 2400 گەكتارىنا بيداي، ارپا، ماقسارى، جوڭىشقا سىندى ءتۇرلى ونىمدەر ەگىلگەن. بيىلعا قاجەتتى 200 توننا تىڭايتقىش پەن 40 توننا جانار-جاعارماي العان.
«ءاردايىم اۋسىپالى ەگىن ءتۇرىن قولدانامىز. بۇل جەردىڭ تىڭايىپ، كۇش جيناۋىنا مۇمكىندىك بەرەدى»، دەيدى شارۋاشىلىق باسشىسى ماناسباي بەكباۋوۆ. قوجالىق يەلىگىندەگى جەر بۇعان دەيىن تولەبي اۋدانىنا قاراعان. قازىر شىمكەنتتىڭ اۋماعىنا ءوتىپتى. مەملكەتتەن ۋاقتىلى جانارماي مەن تىڭايتقىش الىپ، ءداندى داقىلداردى سەۋىپ ۇلگەردىك. ەندى بيدايدى دارىلەپ جاتىرمىز. بۇيىرتسا بيىل دا مول ءونىم الامىز دەپ وتىرمىز، دەيدى شارۋا. وعان قوسا سولتۇستىكتەن دە ءبىزدىڭ بيدايعا دەگەن سۇرانىس ارتقان. ويتكەنى سوڭعى جىلدارى جەرگىلىكتى ءداندا داقىلدىڭ كليكاۆيناسى جوعارى بولعان.
قوجالىق ەگىنشىلىكپەن قاتار مال شارۋاشلىعىمەن دە اينالىسادى. قاجەتتى جەم-ءشوبىن ءوزى دايىنداپ الادى.10 گەكتار جەرگە الما باۋى مەن ءجۇزىم جانە جاڭعاق باۋىن ەگىپتى. بيىل تاڭقۋراي ەگۋدى قولعا الماق.
قالا اكىمى قوجالىق باسشىسىنا بولاشاقتا ەگىستىك القاپتارعا زاماناۋي سۋارۋ قوندىرعىلارىن پايدالانۋ كەرەكتىگىن جەتكىزدى.
شارۋاشىلىق جەتەكشىسى قارجىلاي قولداۋ بولسا جاڭبىرلاتىپ سۋارۋ ادىسىمەن از جەردەن مول ءونىم الۋعا بولاتىنىن جەتكىزدى.
مۇرات دۇيسەنبەكۇلى شارۋالارعا اگروقۇرىلىمدا مەيلىنشە زاماناۋي قوندىرعىلاردى قولدانىپ، ءتيىمدى جۇمىس ىستەۋگە شاقىردى.
قالالىق اۋىلشارۋاشىلىعى جانە ۆەتەريناريا باسقارماسىنىڭ باسشىسى اسقار قانىبەكوۆتىڭ ايتۋىنشا، بيىل ينۆەستيتسيا جانە نەسيەلەندىرۋ بويىنشا جىل سوڭىنا دەيىن اۋىل شارۋاشىلىعى سالاسىندا جالپى قۇنى 7,6 ملرد. تەڭگەنى قۇرايتىن 17 ينۆەستيتسيالىق جوبا ىسكە اسادى. اتاپ ايتقاندا، 4 قۇس شارۋاشىلىعىن كەڭەيتۋ، 4 جىلىجاي قۇرىلىسى، 2 تاۋارلى ءسۇت فەرماسى، 2 جەمىس-كوكونىس ونىمدەرىن قايتا وڭدەۋ، 1 قارقىندى الما باعى، 1 ەشكى ءسۇتىن ءوندىرۋ جانە قايتا وڭدەۋ، 1 ءسۇتتى قايتا وڭدەۋدى كەڭەيتۋ، 1 مال بورداقىلاۋ الاڭىن سالۋ، 1 كونديتەرلىك ءونىم ءوندىرۋ ءىسى قولعا الىنادى.
شىمكەنت
