Prezıdent tapsyrmasyna sáıkes Shymkentte kóktemgi dala jumystaryna qajetti janar-jaǵarmaı quny 174 teńgeden 160 teńge tómendetildi. Barlyq agroqurylymdar dızel otynyn ýaqtyly alyp jatyr. Qala ákimi Murat Áıtenovpen júzdesken sharýalar dızelge tapshylyq joq ekenin aıtty.
Shymkentte aýylsharýashlyǵy óndirispen qatar damyp keledi. Jalpy qala aýmaǵynda 62 myń gektardan astam jer ber. Bıyl egis alqabyn ótken jylmen salystyrǵanda 1 myń gektarǵa ulǵaıtyp, 27,6 myń gektarǵa jetkizý josparlanýda.
Agroservıs «BMB» jaýapkershiligi shekteýli seriktestigi qaladaǵy eń iri qojalyqtyń biri. 3 myń gektardan astam aýylsharýashylyq jeri bar. Onyń 2400 gektaryna bıdaı, arpa, maqsary, jońyshqa syndy túrli ónimder egilgen. Bıylǵa qajetti 200 tonna tyńaıtqysh pen 40 tonna janar-jaǵarmaı alǵan.
«Árdaıym aýsypaly egin túrin qoldanamyz. Bul jerdiń tyńaıyp, kúsh jınaýyna múmkindik beredi», deıdi sharýashylyq basshysy Manasbaı Bekbaýov. Qojalyq ıeligindegi jer buǵan deıin Tólebı aýdanyna qaraǵan. Qazir Shymkenttiń aýmaǵyna ótipti. Memlketten ýaqtyly janarmaı men tyńaıtqysh alyp, dándi daqyldardy seýip úlgerdik. Endi bıdaıdy dárilep jatyrmyz. Buıyrtsa bıyl da mol ónim alamyz dep otyrmyz, deıdi sharýa. Oǵan qosa soltústikten de bizdiń bıdaıǵa degen suranys artqan. Óıtkeni sońǵy jyldary jergilikti dándá daqyldyń klıkavınasy joǵary bolǵan.
Qojalyq eginshilikpen qatar mal sharýashlyǵymen de aınalysady. Qajetti jem-shóbin ózi daıyndap alady.10 gektar jerge alma baýy men júzim jáne jańǵaq baýyn egipti. Bıyl tańqýraı egýdi qolǵa almaq.
Qala ákimi qojalyq basshysyna bolashaqta egistik alqaptarǵa zamanaýı sýarý qondyrǵylaryn paıdalaný kerektigin jetkizdi.
Sharýashylyq jetekshisi qarjylaı qoldaý bolsa jańbyrlatyp sýarý ádisimen az jerden mol ónim alýǵa bolatynyn jetkizdi.
Murat Dúısenbekuly sharýalarǵa agroqurylymda meılinshe zamanaýı qondyrǵylardy qoldanyp, tıimdi jumys isteýge shaqyrdy.
Qalalyq aýylsharýashylyǵy jáne veterınarııa basqarmasynyń basshysy Asqar Qanybekovtyń aıtýynsha, bıyl ınvestıııa jáne nesıelendirý boıynsha jyl sońyna deıin aýyl sharýashylyǵy salasynda jalpy quny 7,6 mlrd. teńgeni quraıtyn 17 ınvestıııalyq joba iske asady. Atap aıtqanda, 4 qus sharýashylyǵyn keńeıtý, 4 jylyjaı qurylysy, 2 taýarly sút fermasy, 2 jemis-kókónis ónimderin qaıta óńdeý, 1 qarqyndy alma baǵy, 1 eshki sútin óndirý jáne qaıta óńdeý, 1 sútti qaıta óńdeýdi keńeıtý, 1 mal bordaqylaý alańyn salý, 1 kondıterlik ónim óndirý isi qolǵa alynady.
Shymkent
