مەملەكەت باسشىسى قاسىم-جومارت توقاەۆ شىمكەنت قالاسىنىڭ اكىمى مۇرات دۇيسەنبەكۇلىمەن تەلەفون ارقىلى سويلەستى.
تالقىلاۋدىڭ نەگىزگى تاقىرىبى – كوروناۆرۋسپەن كۇرەس، قازىرگى سانيتارلىق-ەپيدەميولوگيالىق جاعداي جانە ايماقتارداعى كارانتيندىك شارالاردىڭ ورىندالۋى جايى ايتىلدى. مەملەكەت باسشىسىنىڭ ازاماتتارعا الەۋمەتتىك كومەك كورسەتۋ، شاعىن جانە ورتا بيزنەستىڭ كەزەڭ-كەزەڭمەن ىسكە قوسۋ، كوكتەمگى دالا جۇمىستارى مەن جۇمىسپەن قامتۋدىڭ جول كارتاسىن ىسكە اسىرۋ تۋرالى تاپسىرمالارىنىڭ ورىندالۋى ءسوز بولدى.
اتالعان ماسەلە بويىنشا شىمكەنت قالاسىنىڭ اكىمى پرەزيدەنتكە قازىرگى جاعدايدى بايانادادى.
مۇرات دۇيسەنبەكۇلى مەملەكەت باسشىسىنا ەلىمىزدە توتەنشە جاعداي جاريالانعان ساتتەن باستاپ، ءبىرىنشى كەزەكتە ميلليوندى قالا اۋماعىنا 18 سانيتارلىق بۇعاتتاۋ بەكەتى قويىلعانىن اتاپ ءوتتى. ول جەرلەردە قۇزىرلى ورگان وكىلدەرىنەن جاساقتالعان توپتار تاۋلىك بويى ءۇش اۋىسىمدا جۇمىس ىستەپ جاتقانىن، العى شەپتەگى قىزمەتكەرلەر قاجەتتى مەديتسيتسنالىق كيىمدەرمەن تولىق قامتىلعانىن جەتكىزدى.
ەلدەگى قالىپتاسقان جاعدايعا بايلانىستى 4 ساۋىردەن باستاپ قالا اۋماعىندا كارانتين جاريالانىپ، بارلىق ساقتىق شارالارى كۇشەيتىلگەن.
قالا اۋماعى تولىقتاي زالالسىزداندىرىلۋدا. وعان قوسىمشا كۇش رەتىندە مەملەكەت باسشىسىنىڭ جارلىعىمەن جاساقتالعان 100 اسكەري مىندەتتى سارباز دا تارتىلعان. شىمكەنتتە مەديتسينالىق قورعانىس قۇرالدارىنىڭ ماسەلەسى شەشىلگەن.
ءوز سوزىندە ايتەنوۆ پرەزيدەنتكە «ءوزىڭىزدىڭ تاپسىرماڭىزبەن قولعا الىنعان الەۋمەتتىك تولەم 42,500 تەڭگەنى شىمكەنتتەن 225 مىڭ ادام الدى. ال «ءبىز بىرگەمىز» اكتسياسى نەگىزىندە از قامتاماسىز ەتىلگەن 22 مىڭعا جۋىق ادامعا 50 مىڭ تەڭگە كولەمىندە ءبىر رەتتىك كومەك بەرىلدى»، - دەدى.
شىمكەنت - ءوندىرىس ورتالىعى. قالا اۋماعىندا جالپى 69 مىڭنان استام شاعىن جانە ورتا بيزنەس تىركەلگەن. توتەنشە جاعدايعا بايلانىستى توقتاپ قالعان نىسانداردى كەزەڭ-كەزەڭمەن ىسكە قوسۋ بويىنشا ارنايى جوبا ازىرلەنىپ، جۇمىس جاسالىپ جاتىر. ءبىرىنشى كەزەكتە قاجەتتى دەگەن وندىرىستەردى ىسكە قوسۋدى جوسپارلانۋدا.
شىمكەنتتە كوكتەمگى دالا جۇمىستارى توقتاۋسىز جۇرگىزىلۋدە. شارۋالارعا قاجەتتى جانار-جاعارماي ارزانداتىلعان باعامەن بەرىلەدى. «جۇمىسپەن قامتۋدىڭ جول كارتاسى» باعدارلاماسى بويىنشا بيىل شىمكەنتتە 224 ينفراقۇرىلىمدىق جوبا جۇزەگە اسىپ ناتيجەسىندە 8 380 مىڭ ادام جۇمىسقا ورنالاسادى.
قالادا قۇرىلىس قارقىنى باسەڭدەگەن جوق. توتەنشە جاعدايعا بايلانىستى جۇمىسىنان ايىرىلعان ازاماتتاردى قۇرىلىسقا تارتۋ ماسەلەسى قولعا الىندى.
قازىر جاعداي بويىنشا شىمكەنتتە كوروناۆيرۋس جۇقتىرعاندار سانى - 46. دارىگەرلەردىڭ جۇيەلى جۇمىسىنىڭ ناتيجەسىندە ۆيرۋس جۇقتىرعان ءبىر وتباسىنىڭ 9 مۇشەسى ساۋىعىپ، ۇيلەرىنە شىعارىلاتىن بولدى، دەپ اتاپ ءوتتى قالا اكىمى مۇرات دۇيسەنبەكۇلى.
پرەزيدەنت شىمكەنت قالاسى اكىمىنىڭ ەسەبىن تىڭداي كەلە جۇمىستاردى قاتاڭ باقىلاۋعا الىپ، ءوز دارەجەسىندە جۇزەگە اسىرۋدى تاپسىردى.
شىمكەنت
