Memleket basshysy Qasym-Jomart Toqaev Shymkent qalasynyń ákimi Murat Dúısenbekulymen telefon arqyly sóılesti.
Talqylaýdyń negizgi taqyryby – koronavrýspen kúres, qazirgi sanıtarlyq-epıdemıologıalyq jaǵdaı jáne aımaqtardaǵy karantındik sharalardyń oryndalýy jaıy aıtyldy. Memleket basshysynyń azamattarǵa áleýmettik kómek kórsetý, shaǵyn jáne orta bıznestiń kezeń-kezeńmen iske qosý, kóktemgi dala jumystary men jumyspen qamtýdyń jol kartasyn iske asyrý týraly tapsyrmalarynyń oryndalýy sóz boldy.
Atalǵan másele boıynsha Shymkent qalasynyń ákimi Prezıdentke qazirgi jaǵdaıdy baıanadady.
Murat Dúısenbekuly Memleket basshysyna elimizde tótenshe jaǵdaı jarııalanǵan sátten bastap, birinshi kezekte mıllıondy qala aýmaǵyna 18 sanıtarlyq buǵattaý beketi qoıylǵanyn atap ótti. Ol jerlerde quzyrly organ ókilderinen jasaqtalǵan toptar táýlik boıy úsh aýysymda jumys istep jatqanyn, alǵy sheptegi qyzmetkerler qajetti medıınalyq kıimdermen tolyq qamtylǵanyn jetkizdi.
Eldegi qalyptasqan jaǵdaıǵa baılanysty 4 sáýirden bastap qala aýmaǵynda karantın jarııalanyp, barlyq saqtyq sharalary kúsheıtilgen.
Qala aýmaǵy tolyqtaı zalalsyzdandyrylýda. Oǵan qosymsha kúsh retinde Memleket basshysynyń jarlyǵymen jasaqtalǵan 100 áskerı mindetti sarbaz da tartylǵan. Shymkentte medıınalyq qorǵanys quraldarynyń máselesi sheshilgen.
Óz sózinde Áıtenov Prezıdentke «Ózińizdiń tapsyrmańyzben qolǵa alynǵan áleýmettik tólem 42,500 teńgeni Shymkentten 225 myń adam aldy. Al «Biz birgemiz» akııasy negizinde az qamtamasyz etilgen 22 myńǵa jýyq adamǵa 50 myń teńge kóleminde bir rettik kómek berildi», - dedi.
Shymkent - óndiris ortalyǵy. Qala aýmaǵynda jalpy 69 myńnan astam shaǵyn jáne orta bıznes tirkelgen. Tótenshe jaǵdaıǵa baılanysty toqtap qalǵan nysandardy kezeń-kezeńmen iske qosý boıynsha arnaıy joba ázirlenip, jumys jasalyp jatyr. Birinshi kezekte qajetti degen óndiristerdi iske qosýdy josparlanýda.
Shymkentte kóktemgi dala jumystary toqtaýsyz júrgizilýde. Sharýalarǵa qajetti janar-jaǵarmaı arzandatylǵan baǵamen beriledi. «Jumyspen qamtýdyń jol kartasy» baǵdarlamasy boıynsha bıyl shymkentte 224 ınfraqurylymdyq joba júzege asyp nátıjesinde 8 380 myń adam jumysqa ornalasady.
Qalada qurylys qarqyny báseńdegen joq. Tótenshe jaǵdaıǵa baılanysty jumysynan aıyrylǵan azamattardy qurylysqa tartý máselesi qolǵa alyndy.
Qazir jaǵdaı boıynsha Shymkentte koronavırýs juqtyrǵandar sany - 46. Dárigerlerdiń júıeli jumysynyń nátıjesinde vırýs juqtyrǵan bir otbasynyń 9 múshesi saýyǵyp, úılerine shyǵarylatyn boldy, dep atap ótti qala ákimi Murat Dúısenbekuly.
Prezıdent Shymkent qalasy ákiminiń esebin tyńdaı kele jumystardy qatań baqylaýǵa alyp, óz dárejesinde júzege asyrýdy tapsyrdy.
Shymkent
