قر ەڭبەك جانە حالىقتى الەۋمەتتىك قورعاۋ ءمينيسترىنىڭ بۇيرىعىمەن مىندەتتى الەۋمەتتىك ساقتاندىرۋ جۇيەسىنە قاتىسۋشىلارعا جانە قىزمەتتەر كورسەتۋ ورىندارىندا جۇمىس ىستەيتىن ازاماتتىق-قۇقىقتىق سيپاتتاعى شارتتار بويىنشا تابىس تاباتىن، سالىق اگەنتتەرى ولار ءۇشىن مىندەتتى زەينەتاقى جارنالارىن اۋدارعان ادامدارعا الەۋمەتتىك تولەمدەر جۇرگىزۋ ەرەجەسىنە وزگەرىستەر ەنگىزىلدى.
وزگەرىسكە ساي، توتەنشە جاعداي كەزىندە تابىسىنان ايىرىلۋى بويىنشا مەملەكەتتىك الەۋمەتتىك ساقتاندىرۋ قورىنان ادام باسىنا ايىنا 42 500 تەڭگە الەۋمەتتىك تولەمدى الا الاتىن ازاماتتار ساناتى قىسقارعان جوق.
سونىمەن "42 500 تەڭگەنى" مىنا ازاماتتار الا الادى:
- جەكە كاسىپكەرلەرگە جانە شاعىن-ورتا كاسىپكەرلىك سۋبەكتىلەرىنىڭ جالاقىسى ساقتالمايتىن دەمالىستاعى قىزمەتكەرلەرىنە;
- كارانتين ەنگىزىلگەن ەلدىمەكەندەردە قىزمەتىن جۇزەگە اسىراتىن ءىرى كاسىپكەرلىك سۋبەكتىلەرىنىڭ جالاقىسى ساقتالمايتىن دەمالىستاعى قىزمەتكەرلەرىنە;
- مەملەكەتتىك مەكەمەلەردى قوسپاعاندا، كوممەرتسيالىق ەمەس زاڭدى تۇلعالاردىڭ جالاقىسى ساقتالمايتىن دەمالىستاعى قىزمەتكەرلەرىنە;
- جەكە تاجىريبەمەن اينالىساتىن تۇلعالارعا (نوتاريۋستار، جەكە سوت ورىنداۋشىلارى، ادۆوكاتتار، كاسىبي مەدياتورلار);
بىرىڭعاي جيىنتىق تولەم ء(ارى قاراي – بجت) تولەۋشىلەر بولىپ تابىلاتىن جەكە تۇلعالارعا;
- نىساناسى جۇمىستاردى ورىنداۋ (قىزمەتتەر كورسەتۋ) بولىپ تابىلاتىن ازاماتتىق-قۇقىقتىق سيپاتتاعى (اقس) شارتتار بويىنشا تابىس تاباتىن، سالىق اگەنتتەرى ولار ءۇشىن مىندەتتى زەينەتاقى جارنالارىن اۋدارعان ادامدارعا جۇزەگە اسىرىلادى.
الايدا، بۇنىڭ ۇلتتىق باسقارۋ حولدينگتەردىڭ، ۇلتتىق حولدينگتەر مەن ۇلتتىق كومپانيالاردىڭ قىزمەتكەرلەرىنە قاتىسى جوق.
42 500 تەڭگە الەۋمەتتىك تولەمدى الا المايدى:
- تج ەنگىزىلگەنگە دەيىن مىندەتتى الەۋمەتتىك ساقتاندىرۋ جۇيەسىنە قاتىسپاعان ازاماتتار
- مىندەتتى الەۋمەتتىك ساقتاندىرۋ جۇيەسىنە قاتىسپاعان بجت تولەۋشىلەر (رەسمي تۇردە ءوزىن جۇمىسپەن قامتۋشى ازاماتتار تج ەنگىزىلگەنگە دەيىن تولەۋ كەرەك بولسا، بەيرەسمي تۇردە ءوزىن جۇمىسپەن قامتۋشى ازاماتتار الەۋمەتتىك تولەمگە ءوتىنىم بەرەر الدىندا بجت تولەۋ كەرەك);
- اقس شارتتارى بويىنشا تابىس الاتىن، بىراق تج ەنگىزىلگەنگە دەيىن زەينەتاقى جارناسىن جاساماعان جەكە تۇلعالار;
- ەكى جۇمىس ورنىندا جۇمىس ىستەگەن ازاماتتار، سونىڭ ىشىندە كاسىپكەرلىكپەن اينالىساتىن ازاماتتار، ەگەر ولار ءبىر جۇمىس ورنىندا بولسىن قاشىقتان جۇمىس ىستەۋدى جالعاستىرسا;
- تج ەنگىزىلگەننەن كەيىن بجت العاش تولەگەن ازاماتتار، ەگەر ولار زەينەتاقى مەن مەملەكەتتىك جاردەماقىلاردى الاتىن بولسا;
- باسقا ەلگە تۇراقتى تۇرۋعا كوشۋگە بايلانىستى تىركەۋدەن شىعارىلعان ازاماتتار.
شىمكەنت
