QR Eńbek jáne halyqty áleýmettik qorǵaý mınıstriniń buıryǵymen Mindetti áleýmettik saqtandyrý júıesine qatysýshylarǵa jáne qyzmetter kórsetý oryndarynda jumys isteıtin azamattyq-quqyqtyq sıpattaǵy sharttar boıynsha tabys tabatyn, salyq agentteri olar úshin mindetti zeınetaqy jarnalaryn aýdarǵan adamdarǵa áleýmettik tólemder júrgizý erejesine ózgerister engizildi.
Ózgeriske saı, Tótenshe jaǵdaı kezinde tabysynan aıyrylýy boıynsha Memlekettik áleýmettik saqtandyrý qorynan adam basyna aıyna 42 500 teńge áleýmettik tólemdi ala alatyn azamattar sanaty qysqarǵan joq.
Sonymen "42 500 teńgeni" myna azamattar ala alady:
- jeke kásipkerlerge jáne shaǵyn-orta kásipkerlik sýbektileriniń jalaqysy saqtalmaıtyn demalystaǵy qyzmetkerlerine;
- karantın engizilgen eldimekenderde qyzmetin júzege asyratyn iri kásipkerlik sýbektileriniń jalaqysy saqtalmaıtyn demalystaǵy qyzmetkerlerine;
- memlekettik mekemelerdi qospaǵanda, kommerııalyq emes zańdy tulǵalardyń jalaqysy saqtalmaıtyn demalystaǵy qyzmetkerlerine;
- jeke tájirıbemen aınalysatyn tulǵalarǵa (notarıýstar, jeke sot oryndaýshylary, advokattar, kásibı medıatorlar);
Biryńǵaı jıyntyq tólem (ári qaraı – BJT) tóleýshiler bolyp tabylatyn jeke tulǵalarǵa;
- nysanasy jumystardy oryndaý (qyzmetter kórsetý) bolyp tabylatyn azamattyq-quqyqtyq sıpattaǵy (AQS) sharttar boıynsha tabys tabatyn, salyq agentteri olar úshin mindetti zeınetaqy jarnalaryn aýdarǵan adamdarǵa júzege asyrylady.
Alaıda, bunyń ulttyq basqarý holdıngterdiń, ulttyq holdıngter men ulttyq kompanııalardyń qyzmetkerlerine qatysy joq.
42 500 teńge áleýmettik tólemdi ala almaıdy:
- TJ engizilgenge deıin Mindetti áleýmettik saqtandyrý júıesine qatyspaǵan azamattar
- Mindetti áleýmettik saqtandyrý júıesine qatyspaǵan BJT tóleýshiler (resmı túrde ózin jumyspen qamtýshy azamattar TJ engizilgenge deıin tóleý kerek bolsa, beıresmı túrde ózin jumyspen qamtýshy azamattar áleýmettik tólemge ótinim berer aldynda BJT tóleý kerek);
- AQS sharttary boıynsha tabys alatyn, biraq TJ engizilgenge deıin zeınetaqy jarnasyn jasamaǵan jeke tulǵalar;
- eki jumys ornynda jumys istegen azamattar, sonyń ishinde kásipkerlikpen aınalysatyn azamattar, eger olar bir jumys ornynda bolsyn qashyqtan jumys isteýdi jalǵastyrsa;
- TJ engizilgennen keıin BJT alǵash tólegen azamattar, eger olar zeınetaqy men memlekettik járdemaqylardy alatyn bolsa;
- basqa elge turaqty turýǵa kóshýge baılanysty tirkeýden shyǵarylǵan azamattar.
Shymkent
