قر ەڭبەك جانە حالىقتى الەۋمەتتىك قورعاۋ مينيسترلىگى قايتا كۋالاندىرۋ مەرزىمى 2020 جىلعى 15 اقپاننان كەيىن كەلگەن بارلىق ازاماتتارعا مۇگەدەكتىك مەرزىمىن توتەنشە جاعداي كەزەڭىنە اۆتوماتتى تۇردە ۇزارتتى.
بۇل رەتتە جاردەماقىلاردى تولەۋ توتەنشە جاعداي رەجيمىنىڭ بارلىق كەزەڭى ىشىندە بۇرىن بەلگىلەنگەن مۇگەدەكتىك توبى جانە جالپى ەڭبەك ەتۋ قابىلەتىنەن ايىرىلۋ دارەجەسى بويىنشا جۇزەگە اسىرىلاتىن بولادى.
اعىمداعى جىلعى 1 ساۋىردەن باستاپ ايلىق ەسەپتىك كورسەتكىشتىڭ جانە ەڭ تومەنگى كۇنكورىس دەڭگەيىنىڭ ارتۋىنا بايلانىستى مۇگەدەكتىك بويىنشا جاردەماقى قايتا ەسەپتەلدى.
ەندى مۇگەدەكتىك بويىنشا بەرىلەتىن مەملەكەتتىك الەۋمەتتىك جاردەماقىنىڭ مولشەرى: I توپ – 62 723 تەڭگە، II توپ – 49 983 تەڭگە، III توپ – 33 975 تەڭگە، 16 جاسقا دەيىنگى مۇگەدەك بالالار – 45 736 تەڭگە، ءى توپتاعى بالا كەزىنەن مۇگەدەكتەر – 62 723 تەڭگە، ءىى توپتاعى بالا كەزىنەن مۇگەدەكتەر – 51 943 تەڭگە، ءىىى توپتاعى بالا كەزىنەن مۇگەدەكتەر – 39 202 تەڭگەنى قۇرايدى.
I جانە II توپتاعى مۇگەدەكتەرگە ارنالعان ارناۋلى مەملەكەتتىك جاردەماقى مولشەرى 4 140 تەڭگەنى، III توپتاعى مۇگەدەكتەرگە – 1 778 تەڭگەنى، 16 جاسقا دەيىنگى مۇگەدەك بالالارعا – 2 667 تەڭگەنى قۇرايدى.
مۇگەدەك بالا تاربيەلەپ وتىرعان ادامدارعا بەرىلەتىن جاردەماقى 45 736 تەڭگە مولشەرىندە بەلگىلەندى.
بالا كەزىنەن I توپتاعى مۇگەدەكتىڭ كۇتىمى بويىنشا جاردەماقى 45 736 تەڭگەنى قۇرايدى.
جالپى العاندا، 22,8 مىڭنان استام الۋشىنىڭ جاردەماقىسى ارتتىرىلدى.
قايتا ەسەپتەۋدى ەسكەرە وتىرىپ،جاردەماقىلاردى ەسەپتەۋ 2020 جىلعى 17 ساۋىرگە جوسپارلانعان.
شىمكەنت
