QR Eńbek jáne halyqty áleýmettik qorǵaý mınıstrligi qaıta kýálandyrý merzimi 2020 jylǵy 15 aqpannan keıin kelgen barlyq azamattarǵa múgedektik merzimin tótenshe jaǵdaı kezeńine avtomatty túrde uzartty.
Bul rette járdemaqylardy tóleý tótenshe jaǵdaı rejıminiń barlyq kezeńi ishinde buryn belgilengen múgedektik toby jáne jalpy eńbek etý qabiletinen aıyrylý dárejesi boıynsha júzege asyrylatyn bolady.
Aǵymdaǵy jylǵy 1 sáýirden bastap aılyq eseptik kórsetkishtiń jáne eń tómengi kúnkóris deńgeıiniń artýyna baılanysty múgedektik boıynsha járdemaqy qaıta esepteldi.
Endi múgedektik boıynsha beriletin memlekettik áleýmettik járdemaqynyń mólsheri: I top – 62 723 teńge, II top – 49 983 teńge, III top – 33 975 teńge, 16 jasqa deıingi múgedek balalar – 45 736 teńge, I toptaǵy bala kezinen múgedekter – 62 723 teńge, II toptaǵy bala kezinen múgedekter – 51 943 teńge, III toptaǵy bala kezinen múgedekter – 39 202 teńgeni quraıdy.
I jáne II toptaǵy múgedekterge arnalǵan arnaýly memlekettik járdemaqy mólsheri 4 140 teńgeni, III toptaǵy múgedekterge – 1 778 teńgeni, 16 jasqa deıingi múgedek balalarǵa – 2 667 teńgeni quraıdy.
Múgedek bala tárbıelep otyrǵan adamdarǵa beriletin járdemaqy 45 736 teńge mólsherinde belgilendi.
Bala kezinen I toptaǵy múgedektiń kútimi boıynsha járdemaqy 45 736 teńgeni quraıdy.
Jalpy alǵanda, 22,8 myńnan astam alýshynyń járdemaqysy arttyryldy.
Qaıta esepteýdi eskere otyryp,járdemaqylardy esepteý 2020 jylǵy 17 sáýirge josparlanǵan.
Shymkent
