شىمكەنت: جۇك كولىكتەرىنىڭ قالاعا كىرىپ-شىعۋىنا كەدەرگى جوق

2071
Adyrna.kz Telegram

جۇك كولىكتەرىنىڭ شىمكەنت قالاسىنا كىرىپ-شىعۋىنا كەدەرگى جوق. بۇل تۋرالى اقپاراتتىق-كوممۋنيكاتسيالىق ورتالىقتا وتكەن بريفينگتە شىمكەنت قالاسى اكىمىنىڭ ورىنباسارى ماقسۇت يساحوۆ ءمالىم ەتتى.

ماقسۇت پەرنەبايۇلىنىڭ ايتۋىنشا، شىمكەنت قالاسىنىڭ باس مەملەكەتتىك سانيتاريالىق دارىگەرىنىڭ قاۋلىسىنا سايكەس، جۇك كولىكتەرىنىڭ قالاعا كىرىپ-شىعۋدىڭ ارنايى ەرەجەسى بار. قالا كىرەبەرىستەرىندەگى بارلىق بەكەتتەردە «جاسىل ءدالىز» ۇيىمداستىرىلعان. ول جەردەن تىرشىلىكتى قامتاماسىز ەتەتىن كولىكتەر، ازىق-تۇلىك تاسىمالداۋشى ماشينالار مەن ترانزيتتىك جۇك كولىكتەرى، سونداي-اق، باسقا دا ارنايى تەحنيكالار كەدەرگىسىز وتەدى.

- شىمكەنت قالاسىنىڭ اۋماعىندا توتەنشە جاعدايدىڭ ەنگىزىلۋىنە بايلانىستى جۇك ترانزيتتىك اۆتوموبيلدەرىن، سونداي-اق قالا مۇقتاجى ءۇشىن ازىق-تۇلىك تاۋارلارىن تاسىمالدايتىن جۇك اۆتوموبيلدەرىنە رۇقسات بەرىلگەن. دەگەنمەن، جەڭىل كولىكپەن كىرۋگە بولمايدى. كارانتين تالاپتارىن ورىنداپ، بازاعا ەنگىزىلگەن كاسىپ يەلەرى از ەمەس. ەگەر، شارۋا قوجالىقتارىنا، جىلىجايلارعا قاجەتتى زاتتار الۋ ءۇشىن قالادان شىققان جاعدايدا، قايتا كىرۋگە تەك جۇك كولىگىنە عانا رۇقسات بەرىلەدى، - دەدى قالا اكىمىنىڭ ورىنباسارى.

ەرەجەگە سايكەس، ازىق-تۇلىك تاۋارلارىن جۇك كولىگىمەن تاسىمالداۋ: تەك جۇك كولىگى; كولىك قۇرالدارىن تيەگەن نەمەسە بوس; جۇرگىزۋشى جانە ەكى جولاۋشىدان ارتىق بولماۋى ءتيىس. ماسەلەن، ولار قۇرىلىس ماتەريالدارىن، جانار-جاعار ماي، تۇقىم، كوشەتتەر، اۋىل شارۋاشىلىعىنا قاجەتتى تىڭايتقىشتاردى تاسىمالداۋى مۇمكىن. بۇل رەتتە جۇك كولىكتەرىنىڭ قالادان شىعۋىنا كەدەرگى جوق.

سونداي-اق بريفينگتە ءسوز العان شىمكەنت قالاسى اۋىلشارۋاشىلىعى جانە ۆەتەريناريا باسقارماسىنىڭ باسشىسى اسقار قانىبەكوۆ تاۋار وندىرۋىشىلەردىڭ جۇك كولىكتەرىمەن قالاعا كىرىپ-شىعۋى قاتاڭ باقىلاۋدا ەكەنىن اتاپ ءوتتى.

- كوكتەمگى ەگىن ەگۋ ناۋقانى كەزىندە قالا اۋماعىنداعى بارلىق بەكەتتەردە اكىمدىك جانە پوليتسيا دەپارتامەنتى ماماندارىمەن بىرلەسىپ جەدەل شتاب ۇيىمداستىرىلعان. سونىمەن بىرگە، ارنايى call-ورتالىعى جۇمىس ىستەۋدە، وندا وتىنىشتەر (مەكەمە اتاۋى، قىزمەتكەر جسن، اۆتوكولىك مەملەكەتتىك ءنومىرى) اقپاراتتى كورسەتە وتىرىپ ەلەكتروندى تۇردە قابىلدانىپ، «سەرگەك بلوكپوست» اقپارات بازاسىنا ەنگىزىلەدى. بلوك بەكەتتەردەگى كولىكتەر بەينەباقىلاۋ ارقىلى تۇراقتى باقىلانۋدا، - دەدى اسقار ساكەنۇلى.

ەسكە سالا كەتسەك، بۇعان دەيىن شىمكەنتتە كولىكتەر مەن ازاماتتاردىڭ قوزعالىسىن تىركەيتىن Shym-karantin.kz پورتالى ىسكە قوسىلعانىن حابارلاعانبىز. تۇرعىندار اتالعان سايتقا كىرۋ ارقىلى وزدەرىنىڭ نەمەسە كولىكتەردىڭ قالا ىشىندە جۇرۋىنە رۇقسات ەتىلگەندىگىن بىلە الادى. بازا كۇن سايىن جاڭارتىلىپ وتىرادى.

شىمكەنت 

پىكىرلەر