Jük kölıkterınıŋ Şymkent qalasyna kırıp-şyǧuyna kedergı joq. Būl turaly aqparattyq-kommunikasiialyq ortalyqta ötken brifingte Şymkent qalasy äkımınıŋ orynbasary Maqsūt İsahov mälım ettı.
Maqsūt Pernebaiūlynyŋ aituynşa, Şymkent qalasynyŋ Bas memlekettık sanitariialyq därıgerınıŋ qaulysyna säikes, jük kölıkterınıŋ qalaǧa kırıp-şyǧudyŋ arnaiy erejesı bar. Qala kıreberısterındegı barlyq beketterde «Jasyl dälız» ūiymdastyrylǧan. Ol jerden tırşılıktı qamtamasyz etetın kölıkter, azyq-tülık tasymaldauşy maşinalar men tranzittık jük kölıkterı, sondai-aq, basqa da arnaiy tehnikalar kedergısız ötedı.
- Şymkent qalasynyŋ aumaǧynda tötenşe jaǧdaidyŋ engızıluıne bailanysty jük tranzittık avtomobilderın, sondai-aq qala mūqtajy üşın azyq-tülık tauarlaryn tasymaldaityn jük avtomobilderıne rūqsat berılgen. Degenmen, jeŋıl kölıkpen kıruge bolmaidy. Karantin talaptaryn oryndap, bazaǧa engızılgen käsıp ielerı az emes. Eger, şarua qojalyqtaryna, jylyjailarǧa qajettı zattar alu üşın qaladan şyqqan jaǧdaida, qaita kıruge tek jük kölıgıne ǧana rūqsat berıledı, - dedı qala äkımınıŋ orynbasary.
Erejege säikes, azyq-tülık tauarlaryn jük kölıgımen tasymaldau: tek jük kölıgı; kölık qūraldaryn tiegen nemese bos; jürgızuşı jäne ekı jolauşydan artyq bolmauy tiıs. Mäselen, olar qūrylys materialdaryn, janar-jaǧar mai, tūqym, köşetter, auyl şaruaşylyǧyna qajettı tyŋaitqyştardy tasymaldauy mümkın. Būl rette jük kölıkterınıŋ qaladan şyǧuyna kedergı joq.
Sondai-aq brifingte söz alǧan Şymkent qalasy auylşaruaşylyǧy jäne veterinariia basqarmasynyŋ basşysy Asqar Qanybekov tauar öndıruışılerdıŋ jük kölıkterımen qalaǧa kırıp-şyǧuy qataŋ baqylauda ekenın atap öttı.
- Köktemgı egın egu nauqany kezınde qala aumaǧyndaǧy barlyq beketterde äkımdık jäne polisiia departamentı mamandarymen bırlesıp jedel ştab ūiymdastyrylǧan. Sonymen bırge, arnaiy call-ortalyǧy jūmys ısteude, onda ötınışter (mekeme atauy, qyzmetker JSN, avtokölık memlekettık nömırı) aqparatty körsete otyryp elektrondy türde qabyldanyp, «Sergek blokpost» aqparat bazasyna engızıledı. Blok beketterdegı kölıkter beinebaqylau arqyly tūraqty baqylanuda, - dedı Asqar Säkenūly.
Eske sala ketsek, būǧan deiın Şymkentte kölıkter men azamattardyŋ qozǧalysyn tırkeitın Shym-karantin.kz portaly ıske qosylǧanyn habarlaǧanbyz. Tūrǧyndar atalǧan saitqa kıru arqyly özderınıŋ nemese kölıkterdıŋ qala ışınde jüruıne rūqsat etılgendıgın bıle alady. Baza kün saiyn jaŋartylyp otyrady.
Şymkent
