تالعار اۋدانىنداعى ءبىز تۇراتىن پانفيلوۆ اۋىلىنان (تاباكسوۆحوز) كوروناۆيرۋس وشاعى انىقتالدى.
Small ساۋدا ءۇيىنىڭ قاپتالىندا ورنالاسقان ءدارىحانانىڭ ساتۋشىسى (ەڭبەكشىقازاق اۋدانىنىڭ تۇرعىنى ەكەن) ۆيرۋس جۇقتىرعان. ول جەتى اداممەن قارىم-قاتىناستا بولعان. ونىڭ ۇشەۋى تالعار اۋدانىنىڭ تۇرعىنى.
ساتۋشى ادام جەتى اداممەن عانا قارىم-قاتىناس جاساۋى مۇمكىن ەمەس. دارىحاناعا كىرگەن ادامنىڭ بارىندە ماسكا بولدى ما، بولمادى ما جانە ءمالىمسىز. دەمەك، قاۋىپتىڭ ۇلعايۋى ابدەن مۇمكىن. بۇل - ءبىر.
ەكىنشىدەن، بۇگىن قاس-قارايا Small ساۋدا ءۇيىنىڭ ماڭىن تورۋىلداپ قايتتىم. ەسىكتە ەكى كۇزەتشى اياقتارىن ايقاستىرىپ قويىپ الاڭسىز وتىر. ءبىر جىگىت پەن ءبىر قىز Small-دان شىعىپ، اۋدەم جەرگە بارىپ الاڭسىز تەمەكىسىن شەگىپ تۇر. ساۋدا دۇكەنىنىڭ ىشىندە ارلى-بەرلى جۇرگەن قىزمەتكەرلەر (جوق، كليەنتتەر مە، قۇداي بىلەدى). ءبىرى ازىق-تۇلىك تولا پاكەتىن قۇلجا داڭعىل جولىندا تۇرعان كولىگىنە تاسىپ جاتتى. بۇگىنگى "سانيتارنىي دەن" دەگەندەرى قايدا قالدى، سوندا؟
ۇشىنشىدەن، Small-دىڭ اپتەكاسىن جابۋمەن ءىس بىتە مە؟ كوروناۆيرۋس وشاعى رەتىندە ساۋدا ورنىن وقشاۋلاپ، وسى جەردەگى بارلىق قىزمەتكەرلەردى كارانتينگە (اماندىعى انىقتالعانشا) جابۋ كەرەك ەمەس پە؟ قالادا ءبىر ادامنان كوروناۆيرۋس شىققاندا بۇكىل عيمارات كوروناۆيرۋس وشاعى رەتىندە وقشاۋلانادى؟ نەگە بىزدە ولاي ەمەس؟
راس، ازىق-تۇلىك حالىققا كەرەك. دەسە دە، وسىنداعى بارلىق قىزمەتكەردىڭ ۆيرۋستان امان ەكەنىنە كوز جەتكىزبەي ەرتەڭ ساۋدا ورنىن قايتا اشا سالساق، ىندەت تارالۋى قارقىن الىپ كەتپەي مە؟
بۇگىن ازاندا ۋاتسابىمىز ارقىلى اۋىلدا كوروناۆيرۋس شىققانى تۋرالى حابار الدىق. ۆيرۋس جۇقتىرىپ الدىم با دەپ كۇمانداناتىندار بارىپ تەكسەرىلسىن دەپ جاتتى. بۇل "كۇماندانساڭ تەكسەرىل، كۇماندانباساڭ ۆيرۋس تاراتىپ جۇرە بەر" دەگەندەي ەستىلمەي مە؟
بۇل سۇراقتارعا اۋدان اكىمى جولان وماروۆ جاۋاپ بەرەر دەگەن ويمەن باسقا ەشكىمدى بەلگىلەمەي وتىرمىن!
قانات ابىلقايىر
