Talǵar aýdanyndaǵy biz turatyn Panfılov aýylynan (Tabaksovhoz) koronavırýs oshaǵy anyqtaldy.
Small saýda úıiniń qaptalynda ornalasqan dárihananyń satýshysy (Eńbekshiqazaq aýdanynyń turǵyny eken) vırýs juqtyrǵan. Ol jeti adammen qarym-qatynasta bolǵan. Onyń úsheýi Talǵar aýdanynyń turǵyny.
Satýshy adam jeti adammen ǵana qarym-qatynas jasaýy múmkin emes. Dárihanaǵa kirgen adamnyń bárinde maska boldy ma, bolmady ma jáne málimsiz. Demek, qaýiptiń ulǵaıýy ábden múmkin. Bul - bir.
Ekinshiden, búgin qas-qaraıa Small saýda úıiniń mańyn torýyldap qaıttym. Esikte eki kúzetshi aıaqtaryn aıqastyryp qoıyp alańsyz otyr. Bir jigit pen bir qyz Small-dan shyǵyp, áýdem jerge baryp alańsyz temekisin shegip tur. Saýda dúkeniniń ishinde arly-berli júrgen qyzmetkerler (joq, klıentter me, Qudaı biledi). Biri azyq-túlik tola paketin Qulja dańǵyl jolynda turǵan kóligine tasyp jatty. Búgingi "sanıtarnyı den" degenderi qaıda qaldy, sonda?
Úshinshiden, Small-dyń aptekasyn jabýmen is bite me? Koronavırýs oshaǵy retinde saýda ornyn oqshaýlap, osy jerdegi barlyq qyzmetkerlerdi karantınge (amandyǵy anyqtalǵansha) jabý kerek emes pe? Qalada bir adamnan koronavırýs shyqqanda búkil ǵımarat koronavırýs oshaǵy retinde oqshaýlanady? Nege bizde olaı emes?
Ras, azyq-túlik halyqqa kerek. Dese de, osyndaǵy barlyq qyzmetkerdiń vırýstan aman ekenine kóz jetkizbeı erteń saýda ornyn qaıta asha salsaq, indet taralýy qarqyn alyp ketpeı me?
Búgin azanda ýatsabymyz arqyly aýylda koronavırýs shyqqany týraly habar aldyq. Vırýs juqtyryp aldym ba dep kúmándanatyndar baryp tekserilsin dep jatty. Bul "Kúmándansań tekseril, kúmandanbasań vırýs taratyp júre ber" degendeı estilmeı me?
Bul suraqtarǵa aýdan ákimi Jolan Omarov jaýap berer degen oımen basqa eshkimdi belgilemeı otyrmyn!
Qanat Ábilqaıyr
