قازاقستان رەسپۋبليكاسىنىڭ تۇڭعىش پرەزيدەنتى، ەلباسى نۇرسۇلتان نازارباەۆتىڭ باستاماسىمەن «Birgemiz» رەسپۋبليكالىق قوعامدىق قورى قۇرىلىپ جۇمىس جۇرگىزۋدە.
قورعا ەلىمىزدەگى ءىرى كاسىپكەرلەر، اۋقاتتى ازاماتتار، جەتەكشى كومپانيالار قولداۋ بىلدىرۋدە.قوردىڭ باستى ماقساتى – سOVID-2019 ىندەتىنە قارسى كۇرەستى كۇشەيتۋ، الەۋمەتتىك از قامتىلعان وتباسىلارعا كومەك بەرۋ.
«Nur Otan» پارتياسىنىڭ ۇسىنىسىنا سايكەس «Birgemiz» قوعامدىق قورى ارقىلى قر ەڭبەك جانە حالىقتى الەۋمەتتىك قورعاۋ مينيسترلىگىنىڭ بازاسى نەگىزىندە قالالىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىمەن اۋدان اكىمدىكتەرى ۇسىنعان جەتى سانات بويىنشا اسا مۇقتاج وتباسىلاردىڭ ءتىزىمى جاساقتالدى.
قالاداعى حالىقتىڭ از قامتاماسىز ەتىلگەن توپتارىن قولداۋ ماقساتىندا اۋدان اكىمدىكتەرى جۇمىسپەن قامتۋ جانە الەۋمەتتىك باعدارلامالار باسقارماسىمەن بىرلەسىپ، كومەككە مۇقتاج وتباسىلاردىڭ تۇرمىس جاعدايىنا مونيتورينگ جۇرگىزىپ، اسا مۇقتاج وتباسىلاردى ىرىكتەپ، ارنايى تىزىمگە ەنگىزدى. ەندى شىمكەنت قالاسى بويىنشا 21864 وتباسى 50 مىڭ تەڭگە كولەمىندە كومەك الاتىن بولادى.
«Nur Otan» پارتياسى شىمكەنت قالاسى فيليالىنىڭ ءباسپاسوز حاتشىسى فاتيما حيكمەتوۆا: «بۇگىنگى تاڭدا «Birgemiz-Shymkent» قورى ارقىلى 8804 قالا تۇرعىنىنىڭ ەسەپ شوتىنا قارجى اۋدارىلدى. بۇل جۇمىستار جالعاسىپ، 15 ساۋىرگە دەيىن تىزىمگە ىلىنگەن اسا مۇقتاج وتباسىلاردىڭ بارلىعىنا كومەك كورسەتىلەتىن بولادى»، دەيدى.
