Qazaqstan Respýblıkasynyń Tuńǵysh Prezıdenti, Elbasy Nursultan Nazarbaevtyń bastamasymen «Birgemiz» respýblıkalyq qoǵamdyq qory qurylyp jumys júrgizýde.
Qorǵa elimizdegi iri kásipkerler, aýqatty azamattar, jetekshi kompanııalar qoldaý bildirýde.Qordyń basty maqsaty – SOVID-2019 indetine qarsy kúresti kúsheıtý, áleýmettik az qamtylǵan otbasylarǵa kómek berý.
«Nur Otan» partııasynyń usynysyna sáıkes «Birgemiz» qoǵamdyq qory arqyly QR Eńbek jáne halyqty áleýmettik qorǵaý mınıstrliginiń bazasy negizinde qalalyq jumyspen qamtýdy úılestirý jáne áleýmettik baǵdarlamalar basqarmasymen aýdan ákimdikteri usynǵan jeti sanat boıynsha asa muqtaj otbasylardyń tizimi jasaqtaldy.
Qaladaǵy halyqtyń az qamtamasyz etilgen toptaryn qoldaý maqsatynda aýdan ákimdikteri jumyspen qamtý jáne áleýmettik baǵdarlamalar basqarmasymen birlesip, kómekke muqtaj otbasylardyń turmys jaǵdaıyna monıtorıng júrgizip, asa muqtaj otbasylardy iriktep, arnaıy tizimge engizdi. Endi Shymkent qalasy boıynsha 21864 otbasy 50 myń teńge kóleminde kómek alatyn bolady.
«Nur Otan» partııasy Shymkent qalasy fılıalynyń baspasóz hatshysy Fatıma Hıkmetova: «Búgingi tańda «Birgemiz-Shymkent» qory arqyly 8804 qala turǵynynyń esep shotyna qarjy aýdaryldy. Bul jumystar jalǵasyp, 15 sáýirge deıin tizimge ilingen asa muqtaj otbasylardyń barlyǵyna kómek kórsetiletin bolady», deıdi.
