رەداكتسيادان: قازىر قازاقستانداعى ەڭ حيت حەشتەگتەر ء"بىز بىرگەمىز", "ۇيدەن شىقپاڭىز". بىراق، ءبىز قانشالىقتى بىرگەمىز؟ جەر ماسەلەسى، قازبا كەن بايلىقتارى، اسكەري پوليگونداردى جالعا بەرۋ سىندى ماسەلەدە ءوزى بيلەپ-توستەپ شەشە بەرەتىن بيلىك، جانى قىسىلىپ، قينالعاندا نەگە حالىقپەن بىرگە بولا قالادى؟
ءبىز ۇيدەن شىقپاي وتىرمىز دەلىك، ءبىزدىڭ ءومىرىمىز ءۇشىن، قاتەرلى دەرتپەن كۇرەسىپ جاتقان دارىگەرلەرگە ۇكىمەت قانشالىقتى كومەك كورسەتۋدە؟ العاشقى قوڭىراۋ تۇسكەندە ءبىرىنشى جەتەتىن جەدەل جاردەم قىزمەتىنىڭ ەڭبەگى نەگە باعالانبايدى؟
رەداكتسيامىزعا كۇندەلىكتى ءتۇسىپ جاتقان حاتتاردىڭ دەنى ارىز شاعىم. وەىڭ باسىم بولىگى اق حالاتتى ابزال جانداردان. تومەندەگى حات اۆتورلارى قاراعاندىداعى جەدەل جاردەم قىزمەتكەرلەرى ەكەن. مينيستر ءبىرتانوۆ نازارعا السا دەپ حات جازىپ وتىر. ەندەشە، اماناتقا قيانات جاساماي مينيستر مىرزاعا وسى حاتتى جەتكىزۋدى ءجون دەپ تاپتىق.
"ادىرنا" ۇلتتىق پورتالى
"سالەمەتسىزبە! ەلجان امانتايۇلى!
ءبىز، قاراعاندى وبلىسىنىڭ جەدەل جاردەم قىزمەتىندە فەلدشەر بوپ قىزمەت ەتەمىز. سىزگە تومەندەگى جاعدايدى حابارلاعىمىز كەپ وتىر. الدىندا ءسىز بارلىق تەلەارنالاردان جەدەل جاردەم قىزمەتكەرلەرىنە كوروناۆيرۋسقا بايلانىستى ۇستەمە اقشا بەرىلەتىنىن ايتقان بولاتىنسىز ، بىراق ءبىزدىڭ قاراعاندى وبلىسىندا جەدەل جاردەم پودستانتسيالارىنان 2-ءى بريگادادان وسى ۆيرۋسقا باراتىن بريگادالار ءبولىندى. ەندى ۇكىمەتتەن بولىنگەن اقشا تەك وسى سپەتس بريگادالارعا عانا بەرىلەتىندىگىن ايتتى. الدىندا ناۋرىز ايىنىڭ ون التىسىنان باستاپ بارلىق بريگادالار باردىق، بۇل سپەتس بريگادانى 08.04-نەن باستاپ شىعاردى، سول كەزدە بارعان بريگادالار قازىر كارانتيندا جاتىر. قازىر ەندى ءبىز ول ۆىزوۆتارعا بارمايمىز دەلىك بىراق باسقا ۆىزوۆقا بارعاندا ول ادام بۇل ۆيرۋسپەن اۋىرمايتىندىعىنا كىم كەپىل؟ وسى ماسەلە ءبىزدى مازالايدى. مىنا سپەتس بريگادالار بىزبەن بىرگە ءبىر پودستانتسيادامىز ەگەر ولار كونتاكتىدا بولسا ولاردان بىزگە جۇقپايما؟
سوندىقتان ءبىز دە قاۋىپتى زونادا تۇرمىز. نەگە الالاماي بارلىق جەدەل جاردەم قىزمەتكەرلەرىنە بىردەي بولىنگەن اقشانى بەرمەسكە. وسى سپەتس بريگادادان ءبىزدىڭ ايىرماشىلىعىمىز بار ما؟ وسى ماسەلەنى قاراستىرۋىنىزدى سۇرايمىن. جاۋاپسىز قالمايدى دەپ سەنەمىن! اتى-ءجونىمىزدى ايتا المايمىز. سەبەبى، ەرتەڭ كۇن كورىپ وتىرعان جۇمىسىمىزدان ايرىلعىمىز كەلمەيدى. ءوز دارىگەرلەرىڭىزدى قورعايسىز دەگەن ۇمىتتەمىز مينيستر مىرزا!"
سىزگە دەگەن قۇرمەتپەن قاراعاندىدان جەدەل جاردەمنىڭ ءبىر توپ قىزمەتكەرلەرى
