Redakııadan: Qazir Qazaqstandaǵy eń hıt heshtegter "Biz Birgemiz", "Úıden shyqpańyz". Biraq, biz qanshalyqty birgemiz? Jer máselesi, qazba ken baılyqtary, áskerı polıgondardy jalǵa berý syndy máselede ózi bılep-tóstep sheshe beretin bılik, jany qysylyp, qınalǵanda nege halyqpen birge bola qalady?
Biz úıden shyqpaı otyrmyz delik, bizdiń ómirimiz úshin, qaterli dertpen kúresip jatqan dárigerlerge Úkimet qanshalyqty kómek kórsetýde? Alǵashqy qońyraý túskende birinshi jetetin jedel járdem qyzmetiniń eńbegi nege baǵalanbaıdy?
Redakııamyzǵa kúndelikti túsip jatqan hattardyń deni aryz shaǵym. Oeyń basym bóligi aq halatty abzal jandardan. Tómendegi hat avtorlary Qaraǵandydaǵy jedel járdem qyzmetkerleri eken. Mınıstr Birtanov nazarǵa alsa dep hat jazyp otyr. Endeshe, amanatqa qııanat jasamaı mınıstr myrzaǵa osy hatty jetkizýdi jón dep taptyq.
"Adyrna" ulttyq portaly
"Salemetsizbe! Eljan Amantaıuly!
Biz, Qaraǵandy oblysynyń Jedel járdem qyzmetinde feldsher bop qyzmet etemiz. Sizge tómendegi jaǵdaıdy habarlaǵymyz kep otyr. Aldynda siz barlyq telearnalardan jedel járdem qyzmetkerlerine koronavırýsqa baılanysty ústeme aqsha beriletinin aıtqan bolatynsyz , biraq bizdiń Qaraǵandy oblysynda jedel járdem podstanııalarynan 2-i brıgadadan osy vırýsqa baratyn brıgadalar bólindi. Endi Úkimetten bólingen aqsha tek osy spe brıgadalarǵa ǵana beriletindigin aıtty. Aldynda Naýryz aıynyń on altysynan bastap barlyq brıgadalar bardyq, bul spe brıgadany 08.04-nen bastap shyǵardy, sol kezde barǵan brıgadalar qazir karantında jatyr. Qazir endi biz ol vyzovtarǵa barmaımyz delik biraq basqa vyzovqa barǵanda ol adam bul vırýspen aýyrmaıtyndyǵyna kim kepil? Osy másele bizdi mazalaıdy. Myna spe brıgadalar bizben birge bir podstanııadamyz eger olar kontaktyda bolsa olardan bizge juqpaıma?
Sondyqtan biz de qaýipti zonada turmyz. Nege alalamaı barlyq jedel járdem qyzmetkerlerine birdeı bólingen aqshany bermeske. Osy spe brıgadadan bizdiń aıyrmashylyǵymyz bar ma? Osy máseleni qarastyrýynyzdy suraımyn. Jaýapsyz qalmaıdy dep senemin! Aty-jónimizdi aıta almaımyz. Sebebi, erteń kún kórip otyrǵan jumysymyzdan aırylǵymyz kelmeıdi. Óz dárigerlerińizdi qorǵaısyz degen úmittemiz mınıstr myrza!"
Sizge degen qurmetpen Qaraǵandydan jedel járdemniń bir top qyzmetkerleri
