ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ 42 500 تەڭگەنى الۋ كەزىندە تۋىنداپ جاتقان ماسەلەلەرگە توقتالىپ، بانكتەرگە ۇندەۋ جاسادى. سونداي-اق، دەكرەتتىك دەمالىستا وتىرعان انالارعا بالا كۇتىمىنە بايلانىستى ءبىر جىلعا دەيىن مەملەكەت تاراپىنان جاردەماقى تولەنەتىنىن دە ەسكەرتىپ، تابىسىنان ايرىلعان ازاماتتاردىڭ بارلىعى دا 42 500 تەڭگە الادى دەدى.
ءمينيستردىڭ ايتۋىنشا، توتەنشە جاعداي كەزىندە كىرىسىنەن ايىرىلۋىنا بايلانىستى الەۋمەتتىك تولەم الۋعا 938 مىڭ ادامنان ءوتىنىش تۇسكەن.
ء"وتىنىشتى بەرگەن كەزدە، اقشانى اۋدارۋ ءۇشىن ەسەپشوت كورسەتۋ قاجەت. ءبىراز ازاماتتا مۇنداي ەسەپشوت جوق بولىپ شىقتى، ومىرىندە ەشقاشان اشپاعان. سوندىقتان، ولار ءوتىنىش تولتىرعاندا، ۇلگەرمەي قالاتىن بولدىق دەپ شوت اشۋ ءۇشىن بانكتەرگە جۇگىرىپ جاتىر. سوندىقتان ءبىز ويلاستىرىپ، ءبىر-ەكى كۇندە مىناداي وزگەرىس ەنگىزەمىز: ءسىز ءوتىنىشتى بەرگەن كەزدە، بانكتە شوتىڭىز بولماسا، شوتتى كورسەتەتىن جەرگە ەشتەڭە جازبايسىز. ءبىز ءوتىنىشتى قابىلدايمىز، الەۋمەتتىك تولەم تاعايىندايمىز. ءسويتىپ، ءسىز ەسەپشوتتى ۇسىنعانعا دەيىن كۇتەمىز. ءبىر ايعا دەيىن كۇتەمىز. شوتتى العان سوڭ، اقشانى اۋدارامىز", - دەپ ءتۇسىندىردى مينيستر.
"مەن بۇكىل بانككە ۇندەۋ جاساعىم كەلىپ وتىر. قازىرگى قيىن كەزەڭدە ءبىز سەكىلدى ء"بىر تەرەزەدەن" حالىقتىڭ ءوتىنىشىن قاشىقتان قابىلداپ، مالىمەتتەرىن الىپ، ەسەپشوتىن سىرتتاي ەنگىزىپ، كارتالارىن ازىرلەپ، ۇيىنە جەتكىزىپ بەرۋگە شاقىرامىن", - دەدى مينيستر.
"دەكرەتتەگى انالار ءبىر جىلدان سوڭ، ولار جۇمىسقا شىعار ەدى. بىراق، قازىر ولاردى ەشكىم جۇمىسقا المايدى. سوندىقتان دەكرەتتە وتىرعان انالار ءبىر جىلدان سوڭ، بىرىڭعاي جيىنتىق تولەمدى تولەپ، 42 500 تەڭگە جاردەماقىنى الۋعا مۇمكىندىگى بار", - دەدى ءبىرجان نۇرىمبەتوۆ.
"ادىرنا" ۇلتتىق پورتالى
