قر بعم IV توقسانداعى قاشىقتان وقىتۋدىڭ بىرنەشە نۇسقالارىن ۇسىنىپ وتىر. بۇل تۋرالى مينيسترلىكتىڭ ءباسپاسوز قىزمەتى حابارلادى.
اتاپ ايتساق، راديو ارقىلى وتكىزىلەتىن ساباقتار مەن تەلەساباقتار، ءبىلىم بەرۋ ينتەرنەت-رەسۋرستارىن پايدالانۋ، شاعىن جيناقتى مەكتەپتەردەگى ءداستۇرلى وقىتۋ فورماتى جانە تاعى ءبىر باعىت – "قازپوشتا" ارقىلى.
ءبىلىم جانە عىلىم ۆيتسە-ءمينيسترى رۇستەم بيعاري مەن "قازپوشتا" اق باسقارما توراعاسى ساكەن سارسەنوۆ وسى باعىتتاعى ىنتىماقتاستىق تەتىكتەرىن تالقىلادى.
شالعاي ەلدى-مەكەندەردە تۇراتىن جانە ينتەرنەت ارقىلى وقۋعا مۇمكىندىگى جوق وقۋشىلاردىڭ ۇيلەرىنە وقۋ ماتەريالدارىن جەتكىزۋ، سونداي-اق، ورىندالعان تاپسىرمالاردى پەداگوگتارعا قايتا جىبەرۋ قاجەت. ەلىمىزدە مۇنداي وقۋشىلاردىڭ سانى – 20 مىڭنان استام – دەلىنگەن حابارلامادا.
اتالعان مىندەتتەردى جۇزەگە اسىرۋ ماقساتىندا ىنتىماقتاستىق تۋرالى ەكىجاقتى مەموراندۋمعا قول قويىل. وسىعان سايكەس وقۋشىلارعا ارنالعان وقۋ ماتەريالدارى «قازپوشتا» اق پوشتا بايلانىسى بولىمشەلەرى ارقىلى جەتكىزىلەتىن بولادى. اتا-انالارعا پوشتا بايلانىسى قىزمەتى ءۇشىن تولەم جاساۋدىڭ قاجەتى جوق.
قاشىقتان ءبىلىم بەرۋ تەحنولوگيالارىن قولدانۋ ارقىلى وقۋعا مۇمكىندىگى جوق وقۋشىلار تۋرالى دەرەكتەردى وبلىستىق جانە رەسپۋبليكالىق ماڭىزى بار قالالاردىڭ ءبىلىم باسقارمالارى وكىلدەرى ۇسىنادى.
ايتا كەتكەن ءجون، شالعاي ەلدى-مەكەندەردە ءومىر سۇرەتىن وقۋشىلارعا ارنالعان وقۋ ماتەريالدارى سانيتارلىق قاۋىپسىزدىكتىڭ بارلىق نورمالارىن ساقتاي وتىرىپ، جەتكىزىلەتىن بولادى. وسىلايشا، پوشتا بايلانىسى مۇعالىمنەن وقۋشىعا جانە وقۋشىدان مۇعالىمگە جىبەرىلەتىن وقۋ ماتەريالدارىن ۋاقىتىلى جەتكىزۋدى قامتاماسىز ەتەدى.
