QR BǦM IV toqsandaǧy qaşyqtan oqytudyŋ bırneşe nūsqalaryn ūsynyp otyr. Būl turaly ministrlıktıŋ baspasöz qyzmetı habarlady.
Atap aitsaq, radio arqyly ötkızıletın sabaqtar men telesabaqtar, bılım beru internet-resurstaryn paidalanu, şaǧyn jinaqty mektepterdegı dästürlı oqytu formaty jäne taǧy bır baǧyt – "Qazpoşta" arqyly. Bılım jäne ǧylym vise-ministrı Rüstem Biǧari men "Qazpoşta" AQ Basqarma töraǧasy Säken Särsenov osy baǧyttaǧy yntymaqtastyq tetıkterın talqylady.Şalǧai eldı-mekenderde tūratyn jäne internet arqyly oquǧa mümkındıgı joq oquşylardyŋ üilerıne oqu materialdaryn jetkızu, sondai-aq, oryndalǧan tapsyrmalardy pedagogtarǧa qaita jıberu qajet. Elımızde mūndai oquşylardyŋ sany – 20 myŋnan astam – delıngen habarlamada.Atalǧan mındetterdı jüzege asyru maqsatynda yntymaqtastyq turaly ekıjaqty Memorandumǧa qol qoiyl. Osyǧan säikes oquşylarǧa arnalǧan oqu materialdary «Qazpoşta» AQ poşta bailanysy bölımşelerı arqyly jetkızıletın bolady. Ata-analarǧa poşta bailanysy qyzmetı üşın tölem jasaudyŋ qajetı joq. Qaşyqtan bılım beru tehnologiialaryn qoldanu arqyly oquǧa mümkındıgı joq oquşylar turaly derekterdı oblystyq jäne respublikalyq maŋyzy bar qalalardyŋ bılım basqarmalary ökılderı ūsynady. Aita ketken jön, şalǧai eldı-mekenderde ömır süretın oquşylarǧa arnalǧan oqu materialdary sanitarlyq qauıpsızdıktıŋ barlyq normalaryn saqtai otyryp, jetkızıletın bolady. Osylaişa, poşta bailanysy mūǧalımnen oquşyǧa jäne oquşydan mūǧalımge jıberıletın oqu materialdaryn uaqytyly jetkızudı qamtamasyz etedı.
Ūqsas jaŋalyqtar
