8-9 اقپاندا قازاقستاندا سۋ تاسقىنى كەزىندە توتەنشە جاعدايدى جويۋعا دايىندىق بويىنشا "كوكتەم-2024" رەسپۋبليكالىق كوماندالىق-شتابتىق وقۋ-جاتتىعۋى وتەدى. بۇل تۋرالى توتەنشە جاعدايلار مينيسترلىگىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
جاتتىعۋ كەزىندە ەلدەگى بارلىق سيرەنالار قوسىلادى.
"اۋماقتىق دەڭگەيدەگى قۇلاقتاندىرۋ جۇيەسىنىڭ دايىندىعىن تەكسەرۋ ماقساتىندا 8 اقپان كۇنى ساعات 12.55 - تە (استانا ۋاقىتى بويىنشا) بارلىق دىبىستىق ەلەكتر سيرەناسى ىسكە قوسىلادى", - دەلىنگەن حابارلامادا.
رەسپۋبليكالىق وقۋ-جاتتىعۋ شتابى اقتوبەدە ورنالاسادى.
سونىمەن قاتار، مينيسترلىك ازاماتتاردان تىنىشتىق ساقتاپ، دۇربەلەڭ مەن قاۋەسەتكە بوي الدىرماۋدى سۇرادى.
بۇعان دەيىن ەلدە جەر سىلكىنىسى كەزىندە توتەنشە جاعدايلار مينيسترلىگى بولىمشەلەرىنىڭ ارەكەتتەرى بويىنشا قىزمەتتىك تەرگەۋ جۇرگىزىلەتىنى حابارلانعان بولاتىن.
