بۇگىن حالىقارالىق بالالاردى قورعاۋ كۇنىنە وراي ەلىمىزدىڭ بارلىق وڭىرىنەن كەلگەن 70-كە جۋىق وقۋشىعا «اقوردا» رەزيدەنتسياسىندا ەكسكۋرسيا ۇيىمداستىرىلدى. بۇل تۋرالى اقوردانىڭ ءباسپاسوز قىزمەتى جاريالادى، دەپ حابارلايدى “ادىرنا” ۇلتتىق پورتالى.
رەزيدەنتسياعا كىرگەن بالالار اراسىندا حالىقارالىق جانە رەسپۋبليكالىق وليمپيادالاردىڭ جەڭىمپازدارى، وقۋ ۇزدىكتەرى بار. سونىڭ ىشىندە استانا قالاسىنىڭ تۇرعىنى، 1-سىنىپ وقۋشىسى اسىلتاس ءسايادىل اقوردانى ارالاپ كورگىسى كەلەتىنىن ايتىپ، مەملەكەت باسشىسى قاسىم-جومارت توقاەۆتىڭ اتىنا حات جازعان بولاتىن.
اتالعان ءىس-شارا اياسىندا وقۋشىلار رەزيدەنتسيانىڭ ءبىرىنشى قاباتىنداعى ورتالىق سالتاناتتى حولل مەن رەسمي قابىلداۋلار وتكىزۋگە ارنالعان «سالتانات» زالىن، ءتۇرلى جيىندار وتەتىن «شىعىس»، «مرامور»، «التىن» «دوعال» جانە باسقا دا كەلىسسوزدەر زالدارىن تاماشالادى، سونداي-اق كىتاپحانانى ارالاپ كوردى. وقۋشىلار عيمارات تۋرالى قىزىقتى دەرەكتەرمەن تانىستى.
