بۇگىن – دۇنيەجۇزىلىك جازۋشىلار كۇنى! بۇل اتاۋلى كۇن 1986 جىلعى قاڭتاردىڭ 12-18-ءى ارالىعىندا وتكەن حالىقارالىق پەن-كلۋبتىڭ 48-ءشى كونگرەسىنىڭ شەشىمىمەن اتاپ وتىلەدى.
پەن-كلۋبتىڭ نەگىزى 1921 جىلى قالاندى. ۇيىمنىڭ اتاۋى - اعىلشىن ءسوزىنىڭ ءبىرىنشى ارپىنەن قۇرالعان poets - اقىندار، essayists - ەسسەشىلەر، novelists - نوۆەللاشىلار اببرەۆياتۋراسى. بۇل قىسقارتىلعان ءسوز اعىلشىن تىلىنەن اۋدارعاندا pen - قالام سوزىمەن سايكەس كەلەدى.
ۇيىم اتاۋى اعىلشىندىق جازۋشى كەترين ەمي دوۋسون-سكوتتقا تيەسىلى. پەن-كلۋبتىڭ العاشقى پرەزيدەنتى - دجون گولسۋورسي. 1923 جىلى لوندوندا پەن-كلۋبتىڭ العاشقى حالىقارالىق كونگرەسى ءوتتى. سول ۋاقىتتا پەن-ورتالىق الەمنىڭ 11 ەلىندە بار بولاتىن. ال قازىر دۇنيەنىڭ 130 ەلىندە، سونىڭ ىشىندە قازاقستاندا دا بار.
پەن-كلۋب - حالىقارالىق جازۋشىلار بىرلەستىگى، ونىڭ حارتياسىندا «ءار ەلدىڭ ىشىندەگى جانە بارلىق ەلدەر اراسىنداعى اقپارات بوستاندىعى پرينتسيپتەرىن قورعاۋعا جاقتاسۋ» دەپ كورسەتىلگەن.
قازاقستاندا 800-دەن استام وتاندىق كاسiبي ادەبيەتشىلەردى بiرiكتiرەتiن قوعامدىق، شىعارماشىلىق ۇيىم - قازاقستان جازۋشىلار وداعى جۇمىس ىستەيدى.
قازاقستان رەسپۋبليكاسى جازۋشىلار وداعىنىڭ باستاۋىندا مەملەكەت جانە قوعام قايراتكەرى، جازۋشى ساكەن سەيفۋللين تۇردى. 1925 جىلى رەسپۋبليكادا جاس دارىنداردى بىرىكتىرەتىن جانە ولاردى قولدايتىن قازاقستاننىڭ پرولەتارلىق جازۋشىلار قاۋىمداستىعى قۇرىلدى، ول 1934 جىلى قازاقستاننىڭ كەڭەس جازۋشىلارى وداعى بولىپ وزگەرتىلدى.
بۇل ۇيىمدى 80 جىل بويى ساكەن سەيفۋللين، ءىلياس جانسۇگىروۆ، عابباس توعجانوۆ، ءسابيت مۇقانوۆ، مۇحامەدجان قاراتاەۆ، ديحان ابىلەۆ، ءابدىلدا تاجىباەۆ، عابيدەن مۇستافين، عابيت مۇسىرەپوۆ، ءادي ءشارىپوۆ، ءانۋار ءالىمجانوۆ، جۇبان مولداعاليەۆ، ولجاس سۇلەيمەنوۆ، قالداربەك نايمانباي سىندى مارقاسقالار باسقاردى. قازىر وداق ۇلىقبەك ەسداۋلەتتىڭ باسقارۋىندا.
بۇگىندە جازۋشىلار وداعى - قازاقستاننىڭ بۇرىننان كەلە جاتقان بىرلەستىكتەرىنىڭ ءبىرى. جازۋشىلار وداعىنىڭ قۇرامىندا - قازاق، ورىس، ۇيعىر، نەمiس جانە كارiس ادەبيەتىنىڭ شىعارماشىلىق سەكتسيالارى، قاراعاندىدا، سەمەيدە، ورالدا، استانادا، شىمكەنتە 5 وبلىسارالىق بولiمشەلەرى بار.
