اقوردادا قازاقستان پرەزيدەنتى قاسىم-جومارت توقاەۆ كامبودجا كورولدىگىنىڭ پرەمەر-ءمينيسترى حۋن مانەتتى قارسى الدى، دەپ حابارلايدى “ادىرنا”.
جوعارى مارتەبەلى مەيماندى قارسى الۋ ءراسىمى سالتاناتتى راسىمدەر زالىندا ءوتتى. قۇرمەت قاراۋىلى ساپ تۇزەپ، ەكى ەلدىڭ مەملەكەتتىك ءانۇراندارى ورىندالدى. ودان كەيىن قاسىم-جومارت توقاەۆ پەن حۋن مانەت رەسمي دەلەگاتسيا مۇشەلەرىن ءبىر-بىرىنە تانىستىردى.
قازاقستان دەلەگاتسياسىنىڭ قۇرامىندا سىرتقى ىستەر ءمينيسترى مۇحتار تىلەۋبەردى مەن استانا قالاسىنىڭ اكىمى جەڭىس قاسىمبەك بولدى.
سالتاناتتى راسىمنەن كەيىن ەكى ەلدىڭ باسشىلارى كەلىسسوزدەر جۇرگىزۋگە كىرىستى.
2026 جىلعى قاڭتار-تامىز ايلارىندا قازاقستان مەن كامبودجا اراسىنداعى تاۋار اينالىمى 29,4 ميلليون اقش دوللارىن قۇرادى. بۇل وتكەن جىلدىڭ سايكەس كەزەڭىمەن سالىستىرعاندا 3,2%-عا جوعارى.
قازاقستانعا كامبودجادان نەگىزىنەن توقىما جانە تريكوتاج بۇيىمدارى، اياق كيىم مەن وزگە دە تۇتىنۋ تاۋارلارى جەتكىزىلەدى. ال قازاقستان كامبودجاعا كوبىنە باقىلاۋ-ولشەۋ قۇرالدارىن ەكسپورتتايدى.
