مەن كەشە پاراقشامدا "قورداي مەن پەكين اراسى" دەگەن شاعىن جازبا جاريالادىم.
بۇل --جاي اقپارات ءۇشىن عانا.
ماسەلەنىڭ ءمانى وتە-وتە تەرەڭدە.
حۋسەيمەن قول ۇستاسىپ پەكينگە بارىپ، قورجىنىنىڭ ەكى باسىن قومپيتىپ كەلەتىن قازاقستاندىقتاردىڭ قاتارىندا ءوزىمىزدىڭ قازاقتاردان باستاپ ءار ۇلتتىڭ وكىلدەرى بار.
ساپارى ءبىر باعىتتا بولعانىمەن، قوجاسىنا جاعۋ مەن جاعىنۋ جاعىنان ولار ءوزارا ىشتەي قاتتى باسەكەلەس.
پەكين جالپى "مۇعاجىرلارىنا" قول ۇشىن از ءسوزىپ جاتقان جوق.
"قاز ورعانىنا سەمىرەدى"-دەپ، قازاق "مۇعاجىرلار" ارقادان قاققانعا ءماز بولىپ جۇرگەن شىعار، بىراق پەكيننىڭ بۇيرەگى قوردايعا كوبىرەك بۇرىلاتىنى جاسىرىن ەمەس.
ەلىمىزدەگى دۇنگەندەردىڭ جان سانىنىڭ ءوسۋ كورسەتكىشى قارقىندى كورىنەدى.
ال، ەكونوميكالىق قۋاتى مىقتى. بالالارىنىڭ "قوس تىلدە", قوسىمشا قىتاي تىلىنەن دە قاتار ءبىلىم الىپ جاتقانى بايقالىپ تۇر.
ونى قىتايدىڭ ورتالىق تەلەارنالارى دۇركىن-دۇركىن كورسەتىپ قويادى.
پەكين ءتىپتى، ءوز سوزدەرىمەن ايتقاندا، وسى "شەتەلدەگى وتانشىل قايراتكەرلەرىنە" ارناپ قازاقستاننان قىتاي ءتىلدى گازەت، كوپ ءتىلدى سايت تا اشىپ بەرگەن.
الماتىدا ارنايى قىتاي ءتىلىن ۇيرەتەتىن وقۋ ورىنى دا بار دەسىپ ءجۇر جۇرت...
بايقاپ وتىرعان بولارسىز، قوردايدا ءبىر مىقتى سەنىم، بىرەۋگە ارقا سۇيەۋشىلىك جانە ايبار بار.
انە، جاي توبەلەستەن باستالعان جاعدايعا سۋىق قارۋ كوتەرىپ شىعا كەلدى. توبەلەس سوڭى قارۋلى قاقتىعىسقا جالعاسىپ، ادام ولىمىمەن اقىرلاستى. جانە ول باقانداي جەت-سەگىز ادام.
ەستەرىڭىزدە بولسىن، بۇل دا باسى.
ەگەر، ادىلەت مينيسترلىگىنە تىركەلگەن قوعامدىق بىرلەستىكتەردى رەتكە سالىپ، ولاردىڭ شەتەلمەن، اسىرەسە، قىتايمەن بارىس-كەلىسى جيىلەرىن قاتاڭ باقىلاۋدى، كەرەك بولسا جۇمىسىن توقتاتۋدى، جاۋاپتى تۇلعالارىنا تەكتەۋدى بيلىك قولعا تەزدەتىپ الماسا، بۇدان دا زور وكىنىشكە قالۋىمىز ابدەن مۇمكىن!
"قىتايشىلدار" اتانىپ جۇرگەن بۇل توپ وزدەرىنشە قايتارىندا قىتايدان قازاقستانعا "قۇپيا اقپارات" الا كەلەدى ەكەن-مىس.
ەگەر، ءبىزدىڭ "شتيرليتستەردىڭ" ءتۇرى "حۋسەكەڭدەر" بولسا، وندا جەتىسكەن ەكەنبىز؟!!
مۇسىلمان اتۋلىنى قاماپ، بەيتتەردەگى بەلگىلەرىن جۇلىپ، مەشىتتەردى قيراتىپ جاتقان قىتايدىڭ قورداي مۇسىلماندارىنا ەسىگى ايقارا اشىق.
اق تاقيالى اعايىن مەككەدەن كورى پەكينگە كوبىرەك زيارات ەتىپ تۇراتىن سەكىلدى.
"قىتاي مەن قازاقستان حالىقتارى – تاتۋ كورشى، ارىپتەس، ءبىر-بىرىنە تۋىس. قۇدايدىڭ ءوزى وسى تاريحتى جانە شىندىقتى وزگەرتە المايدى»، - دەدى قىتايدىڭ قازاقستانداعى توتەنشە جانە وكىلەتتى ەلشىسى چجان سياو.
سياو "تۋىس" دەگەن ءسوزدى بەكەر ايتىپ وتىرعان جوق! ءسىرا، وسى "مۇعاجىرلارىن" مەڭزەپ وتىرعان بولسا كەرەك!!
مىنە، چجان سياودىڭ "تۋىستارىنىڭ" ىستەپ جۇرگەن حارەكەتى.
ءبىز بۇگىن "دۇنگەن قىزى ارمانىم..." دەپ اندەتىپ جۇرگەندە، ەرتەڭ ولاردىڭ قازاقستان مەن قىرعىزستاننىڭ ورتاسىنان "قورداي يسلام اۆتونوميالىق اۋدانىن قۇرىپ بەرەسىڭ!!!"-دەپ، اي-جۇلدىزدى جاسىل بايلىعىن كوتەرىپ شىعىپ، اۆتوماتتارىن كەزەپ تۇرماسىنا كىم كەپىل؟!!
مەن ءبۇتىن ءبىر ەتنوسقا قارا كۇيدە شاپتاۋدان، ارينە، اۋلاقپىن. بىراق، حۋسەكەڭدەردىڭ ءجۇرىس-تۇرىسى مەن قىتايدىڭ تىم "قامقور كوڭىلى" مەنى وسى ويلارعا كوبىرەك جەتەلەيدى.
دەمەك، قورداي قازاق پەن قىرعىزدىڭ ورتاق ويلاناتىن نۇكتەسى!
اۋىت مۇقيبەك
قر پرەزيدەنتى جانىنداعى
ۇلتتىق قوعامدىق سەنىم كەڭەسىنىڭ مۇشەسى
