Men keshe paraqshamda "Qordaı men Pekın arasy" degen shaǵyn jazba jarııaladym.
Bul --jaı aqparat úshin ǵana.
Máseleniń máni óte-óte tereńde.
Hýseımen qol ustasyp Pekınge baryp, qorjynynyń eki basyn qompıtyp keletin qazaqstandyqtardyń qatarynda ózimizdiń qazaqtardan bastap ár ulttyń ókilderi bar.
Sapary bir baǵytta bolǵanymen, qojasyna jaǵý men jaǵyný jaǵynan olar ózara ishteı qatty básekeles.
Pekın jalpy "muǵajyrlaryna" qol ushyn az sózyp jatqan joq.
"Qaz orǵanyna semiredi"-dep, qazaq "muǵajyrlar" arqadan qaqqanǵa máz bolyp júrgen shyǵar, biraq Pekınniń búıregi Qordaıǵa kóbirek burylatyny jasyryn emes.
Elimizdegi dúngenderdiń jan sanynyń ósý kórsetkishi qarqyndy kórinedi.
Al, ekonomıkalyq qýaty myqty. Balalarynyń "qos tilde", qosymsha qytaı tilinen de qatar bilim alyp jatqany baıqalyp tur.
Ony Qytaıdyń ortalyq telearnalary dúrkin-dúrkin kórsetip qoıady.
Pekın tipti, óz sózderimen aıtqanda, osy "Sheteldegi otanshyl qaıratkerlerine" arnap Qazaqstannan qytaı tildi gazet, kóp tildi saıt ta ashyp bergen.
Almatyda arnaıy qytaı tilin úıretetin oqý oryny da bar desip júr jurt...
Baıqap otyrǵan bolarsyz, Qordaıda bir myqty senim, bireýge arqa súıeýshilik jáne aıbar bar.
Áne, jaı tóbelesten bastalǵan jaǵdaıǵa sýyq qarý kóterip shyǵa keldi. Tóbeles sońy qarýly qaqtyǵysqa jalǵasyp, adam ólimimen aqyrlasty. Jáne ol baqandaı jet-segiz adam.
Esterińizde bolsyn, bul da basy.
Eger, Ádilet mınıstrligine tirkelgen qoǵamdyq birlestikterdi retke salyp, olardyń shetelmen, ásirese, Qytaımen barys-kelisi jıilerin qatań baqylaýdy, kerek bolsa jumysyn toqtatýdy, jaýapty tulǵalaryna tekteýdi bılik qolǵa tezdetip almasa, budan da zor ókinishke qalýymyz ábden múmkin!
"Qytaıshyldar" atanyp júrgen bul top ózderinshe qaıtarynda Qytaıdan Qazaqstanǵa "qupııa aqparat" ala keledi eken-mys.
Eger, bizdiń "shtırlıterdiń" túri "hýsekeńder" bolsa, onda jetisken ekenbiz?!!
Musylman atýlyny qamap, beıtterdegi belgilerin julyp, meshitterdi qıratyp jatqan Qytaıdyń Qordaı musylmandaryna esigi aıqara ashyq.
Aq taqııaly aǵaıyn Mekkeden kóri Pekınge kóbirek zııarat etip turatyn sekildi.
"Qytaı men Qazaqstan halyqtary – tatý kórshi, áriptes, bir-birine týys. Qudaıdyń ózi osy tarıhty jáne shyndyqty ózgerte almaıdy», - dedi Qytaıdyń Qazaqstandaǵy tótenshe jáne ókiletti elshisi Chjan Sıao.
Sıao "týys" degen sózdi beker aıtyp otyrǵan joq! Sirá, osy "muǵajyrlaryn" meńzep otyrǵan bolsa kerek!!
Mine, Chjan Sıaodyń "týystarynyń" istep júrgen hareketi.
Biz búgin "Dúngen qyzy armanym..." dep ándetip júrgende, erteń olardyń Qazaqstan men Qyrǵyzstannyń ortasynan "Qordaı Islam avtonomııalyq aýdanyn quryp beresiń!!!"-dep, Aı-juldyzdy jasyl baılyǵyn kóterip shyǵyp, avtomattaryn kezep turmasyna kim kepil?!!
Men bútin bir etnosqa qara kúıde shaptaýdan, árıne, aýlaqpyn. Biraq, hýsekeńderdiń júris-turysy men Qytaıdyń tym "qamqor kóńili" meni osy oılarǵa kóbirek jeteleıdi.
Demek, Qordaı qazaq pen qyrǵyzdyń ortaq oılanatyn núktesi!
Aýyt MUQIBEK
QR prezıdenti janyndaǵy
Ulttyq qoǵamdyq senim keńesiniń múshesi
