رەداكتسيامىزعا حات كەلىپ ءتۇستى. ادىلدىك ىزدەپ، شىندىق ىزدەپ شىرىلداعان حاتتىڭ ارتىندا ءبىر تاعدىر تۇرعانىن ەسكەرىپ، حاتتى جاريالاۋدى ءجون دەپ شەشتىك. قر ازاماتتارىن قورعايتىن اسكەري قىزمەتكەر ءوزى قورعاۋشى ىزدەپ جاتسا قاتارداعى قاراپايىم جۇرت قايدا بارادى؟
رەداكتسيادان
قر پرەزيدەنتى ق. ك. توقاەۆتىڭ،
قر قورعانىس ءمينيسترى نۇرلان ەرمەكباەۆتىڭ،
قر باس پروكۋرورى نۇرداۋلەت عيزاتوۆتىڭ،
قر ىشكى ىستەر ءمينيسترى ەرلان تۇرعىمباەۆتىڭ نازارىنا!
الماتى گارنيزونى اسكەري سوتىندا قازاقستان رەسپۋبليكاسى قورعانىس مينيسترلىگىنىڭ قۇرلىق اسكەرلەرىنىڭ اسكەري ينستيتۋتىنىڭ اسكەري قىزمەتكەرى كاپيتان ەلەمەسوۆ اسىلبەك الماگانبەتوۆيچ ياعني مەنى قر قىلمىستىق كودەكسىنىڭ 156 بابى 3 بولىگىمەن ءىستى قىلماقشى. بۇل جاعدايدى زاڭسىز جانە نەگىزسىز دەپ ەسەپتەيمىن.
ياعني اتاپ ايتقاندا:
1) سوتقا دەيىنگى تەرگەپ تەكسەرۋ كەزىندە قر ءىىم ءوواتب تەرگەۋشىسى م.قابىلدا 2019 جىلعى 17 قازانىنداعى كۇدىكتىنىڭ ءىس-ارەكەتىن سارالاۋ تۋرالى قاۋلىسىندا جانە 2019 جىلعى 22 قازانىندا جاسالىنعان ايىپتاۋ اكتىسىندە نەگىزسىز جانە زاڭسىز كاپيتان ا. ا.ەلەمەسوۆ قم قااي باسشىسىنىڭ 30.12.2016 جىلعى №795 ساندى بۇيرىعىنا سايكەس لاۋازىمدىق مىندەتتەرى بويىنشا قارۋ-جاراق، اسكەري جانە باسقا تەحنيكامەن جۇمىستار، پايدالانۋ، ەۆاكۋاتسيالاۋ، قىزمەت كورسەتۋ جانە جوندەۋ جۇمىستارىن ۇيىمداستىرۋ بارىسىندا جەكە قۇرامعا قاۋىپسىزدىك تالاپتارىن جەتكىزۋگە جانە ولاردىڭ ورىندالۋىنا قول جەتكىزۋگە مىندەتتى بولعان، دەپ كورسەتىپ، سىلتەمە جاساعان.
بىراق، وسى اتالعان قم قااي باسشىسىنىڭ 30.12.2016 جىلعى №795 ساندى بۇيرىعىنا سايكەس لاۋازىمدىق مىندەتتەرى ناقتى رەسمي تۇردە جوق قۇجات، ويتكەنى ول كەزدە 2016 جىلعى جەلتوقسانىندا قر قم قااي شتاتتىق لاۋازىمدىق كاتەگورياسى بويىنشا وقۋ-ارتيللەريالىق باتارەيا كومانديرىنىڭ قارۋ-جاراق بويىنشا ورىنباسارى دەگەن اسكەري لاۋازىم بولماعان. دالەل: مەنىڭ ادۆوكاتىمنىڭ سۇرانىسىنا قر قم قااي كەلگەن جاۋاپ 22.11.19.جىل. شىع.№3323. وقۋ-ارتيللەريالىق باتارەياسىنىڭ قاراۋ-جاراق بويىنشا ورىنباسارى دەگەن اسكەري لاۋازىم 2017 جىلدىڭ 31 شىلدەسىندە قر قم ۇيىمداستىرۋشىلىق-شتاتتىق ارەكەتەردى بەكىتۋ تۋرالى بۇيرىعىمەن بەرىلگەن. سوتتا وسى سۇراقتى پولكوۆنيك ەسەنشوراەۆ، پودپولكوۆنيك الپىسباەۆ جانە كاپيتان كاماەۆ اتالعان قۇجاتتى قاتەلىكپەن جاساعانىن دالەلدەپ ايتىپ بەردى.
وسىعان بايلانىستى قىلمىستىق ىسكە تىركەلگەن 2016 جىلدىڭ 30 جەلتوقسانىندا بەكىتىلگەن وقۋ-ارتيللەريالىق باتارەيا كومانديرىنىڭ قارۋ-جاراق بويىنشا ورىنباسارىنىڭ مىندەتتەرى جالعان، بۇرمالانعان قۇجات بولىپ ەسەپتەلەدى. وسى سەبەپتەن قىلمىستىق ءىس بويىنشا دالەلدەمە بولا المايدى;
2) ايتىلعانمەن قاتار، 2019 ج. 17 قازانىندا كۇدىكتىنىڭ ءىس ارەكەتىن سارالاۋ تۋرالى قاۋلى (3 بەت 3 ابزاتس), ايىپتاۋ اكتىسى جالعان قۇجات نەگىزىندە قۇرالعان (3 بەت 4 ابزاتس).
مەنىڭ ادۆوكاتىم ايتمۇحانبەت جاقىپبەكۇلىنىڭ سۇرانىسىنا قم قااي حات بەرىپ وتىر. ول حاتتا (09.12.19 ج. №جت-ك-00018) سوتقا دەيىنگى تەرگەپ-تەكسەرۋ ورگانىنا قر ءىىم ءوواتب بەرىلگەن قم قااي باسشىسىنىڭ 30.12.2016 جىلعى №795 ساندى بۇيرىعىنا سايكەس وقۋ-ارتيللەريالىق باتارەيا كومانديرىنىڭ قارۋ-جاراق بويىنشا ورىنباسارىنىڭ مىندەتتەرى دۇرىس ەمەس. وسى جاعدايات بويىنشا قىزمەتتىك تەكسەرۋ جۇرگىزىلەتىنى حابارلاندى. 2016 جىلعى شتات بويىنشا وقۋ-ارتيللەريالىق باتارەيا كومانديرىنىڭ قارۋ-جاراق بويىنشا ورىنباسارى دەگەن اسكەري لاۋازىم قر قااي بولعان ەمەس.
2017 جىلدىڭ 30 قىركۇيەگىندە بەكىتىلگەن لاۋازىمدىق مىندەتتەردى دە جوق ەكەندىگىن مالىمدەيدى;
3) وسىدان باسقا، مەنىڭ ادۆوكاتىينىڭ سۇرانىسىنا قم قااي حاتى بويىنشا (09.12.19 ج. №جت-ك-00019) قم قااي كاپيتان ا.ەلەمەسوۆكە قۇرلىق اسكەرلەرىنىڭ اسكەري ينستيتۋت باستىعىنىڭ بۇيرىعى بويىنشا قاۋىپسىزدىك تەحنيكاسى، ونەركاسىپتىك سانيتاريا قاعيدالارىن نەمەسە ەڭبەكتى قورعاۋدىڭ وزگە دە قاعيدالارىن وسى قاعيدالاردى ساقتاۋدى ۇيىمداستىرۋ نەمەسە قامتاماسىز ەتۋ جونىندەگى مىندەتتەر جۇكتەلمەگەن جانە ول ونداي بىلىكتىلىك كۋرستارىنان وتپەگەن. ياعني ول قر قك 156 بابىنىڭ سۋبەكتىسى ەمەس. جالپى اسكەري جارعىلاردا جانە قم قااي بۇيرىقتارىمەن ەلەمەسوۆتىڭ لاۋازىمدىق مىندەتتەرى بەكىتىلمەگەن. رەسمي تۇردە ونداي قۇجات جوق;
4) قم قااي وتكىزىلگەن قىزمەتتىك تەكسەرۋ قورىتىندىسىنا ساي ر.جۇماباەۆتىڭ توق سوعىپ ءولۋى ءوزىنىڭ جەكە ابايسىزدىعىنان بولعان دەپ كورسەتىلگەن.
جوعارى كورسەتىلگەندەردىڭ نەگىزىندە، ايىپتاۋ تۋرالى نەگىزگى پروتسەستىك قۇجاتتار زاڭ بۇزۋشىلىق جولىمەن جاسالىنعان.
5) الدىنعى ەكى سوت ماجىلىسىندە مەملەكەتتىك ايىپتاۋشى شارىقباەۆ دارحان مەنىڭ ادۆوكاتىمنىڭ ۇستىنەن سوتقا جالعان اقپارات بەردى - ەلەمەسوۆتىڭ لاۋازىمدىق مىندەتتەرى قىلمىستىق ىسكە زاڭدى تۇردە ۋاقىتىلى تىركەلگەن دەپ ايىپتاپ، سوتتى الداپ، زاڭسىز باعىتقا سالۋ ماقساتىندا ماعان قاتىستى ءىس بويىنشا مەنىڭ لاۋازىمدىق مىندەتتەرىم قر ءىىم ءوواتب 2019 جىلعى 23 شىلدەسىندەگى 4/10-1296 ساندى سۇرانىسىنا سايكەس الىنىپ قاراستىرىلىپ، تەرگەۋشى كابىلدا دەر كەزىندە كۇدىكتىنىڭ ءىس-ارەكەتىن سارالاۋ قاۋلىسىندا جانە ايىپتاۋ اكتىسىندە دالەل رەتىندە سىلتەمە جاساعان دەگەن جالعان اقپارات بەرىپ وتىر.
وسى اقپاراتتى تەرىستەپ، جوققا شىعارۋ ءۇشىن قر قم قااي 2020 جىلعى 14 قاڭتارىندا «2019 جىلدىڭ 19 شىلدەسى مەن 23 قازانى اراسىندا قر ءىىم ءوواتب سۇرانىسى بويىنشا ەلەمەسوۆتىڭ قىزمەتتىك مىندەتتەرى جىبەرىلگەن بە الدە جوق پا؟»، دەپ ادۆوكاتىم سۇرانىس جاساعان بولاتىن.
ادۆوكاتتىق سۇرانىسقا قر قم قااي 2020 جىلدىڭ 21 قانتارىندا جت-ك-00002 ساندى جاۋاپ الدىم. وسى جاۋاپ بويىنشا قر ءىىم ءوواتب 2019 جىلعى 23 شىلدەسىندەگى 4/10-1296 ساندى ينستيتۋت باسشىلىعىنا جازعان سۇرانىسىنا قۇجاتتى ورىنداۋشى جاۋاپتى لاۋازىمدىق تۇلعا كاپيتان ۋرگەنيشباەۆتىڭ ج. سوزىنە قاراعاندا كوپتەگەن قۇجاتتاردى قولما-قول قر ءىىم ءوواتب اپارىپ تاپسىرعانى، ال ونىڭ ىشىندە كاپيتان ا.ا. ەلەمەسوۆتىڭ لاۋازىمدىق مىندەتتەرى بولماعانى انىقتالدى. وسى ماسەلە بويىنشا نەگىزگى پروتسەستىك قۇجاتتار: كۇدىتىنىڭ ءىس-ارەكەتىن سارالاۋ قاۋلىسى جانە ايىپتاۋ اكتىسى ەش جەردە تىركەلمەگەن زاڭسىز بۇرمالانىپ جاسالىنعان لاۋازىمدىق مىندەتتەرگە نەگىزدەلگەن.
قىلمىستىق ىستە مەنى قىلمىس جاسادى دەيتىن دالەلدەمەلەر جوق. لاۋازىمدىق مىندەتتەر جالعان بولىپ شىقتى، اسكەري-جارعىلىق زەرتتەۋ وتكىزگەن پودپولكوۆنيك ا.ك.يلياسوۆ مامان بولىپ تابىلماعان، سوتتا ءوزى قاتەلەسكەنىن ايتتى، ۆزۆود كومانديرى جانە باتارەيا كومانديرىنىڭ مىندەتىن اتقارۋشى رەتىندە مىندەتتەرىن جازدىم دەدى، مامان ساناتوۆا تىكەلەي ەلەمەسوۆتى كىنالى دەپ قورىتىندى بەرمەگەنىن، جىبەرىلگەن كەمشىلىكتەرگە ينستيتۋت باسشىلىعى، ولاردىڭ بۇيرىعىمەن ينستيتۋتتا ەڭبەك قاۋپسىزدىگىنە جاۋاپ بەرەتىن قىزمەت جاۋاپ بەرەتىنىن ايتتى، ەلەمەسوۆ تۋرالى قورىتىندىدا جازباعانىن كورسەتتى.
وسىدان باسقا، 2020 جىلعى 20 قانتارىندا قارالعان سوت ماجىلىسىندە سوتقا ماعان قاتىستى شىعارىلعان ەكى ءتۇرلى كۇدىكتىنىڭ ءىس-ارەكەتىن سارالاۋ تۋرالى قاۋلىلاردىڭ كوشىرمەلەرى ۇسىنىلعان بولاتىن. زاڭدى كۇشى بار بىرەۋى 2019 جىلعى 16 قازانىندا جاسالىنعان، ول قاۋلىدا ەلەمەسوۆ مينومەتتىك وقۋ ۆزۆودىنىڭ كومانديرى جانە روتا كومانديرى رەتىندە كورسەتىلگەن. وسى قاۋلى ەلەمەسوۆكە جانە ونىڭ ادۆوكاتى س.سەريكباەۆاعا 2019 جىلدىڭ 17 قازانىندا تەرگەۋشى قابىلدامەن تانىستىرىلىپ كوشىرمەسى تاپسىرىلعان.
ەكىنشى قاۋلى 2019 جىلعى 17 قازانىندا شىعارىلعان، ول قاۋلىدا مەنى ارتيللەريالىق باتارەيا كومانديرىنىڭ قارۋ-جاراق جونىندەگى ورىنباسارى جانە ۆزۆود كومانديرى دەپ كورسەتىلگەن، وسىعان ساي قر قك ىقج تالاپتارىن بۇزعان دەگەن. ارى قاراي قااي باسشىسىنىڭ 30.12.2016 جىلعى №795 ساندى بۇيرىعىنا سايكەس ا.ا.ەلەمەسوۆتىڭ لاۋازىمدىق مىندەتتەرىن بۇزعانى جازىلعان. بۇل قاۋلىمەن مەن تانىسپاعانمىن، ونىڭ كوشىرمەسى ماعان بەرىلمەگەن، سەبەبى قىلمىستىق ءىس اياقتالىپ اسكەري پروكۋراتۋرادا سوتقا جىبەرۋ ءۇشىن اسكەري پروكۋرور پودپولكوۆنيك ف.يبراگيموۆتە بولعان، وسى كەزدە پروتسەستىك قۇجاتتار بۇرمالانىپ، نەگىزسىز اۋىسقان.
وسى ماسەلەنى دالەلدەۋ ءۇشىن تەرگەۋشى قابىلدا جۇمىس جاساعان كومپيۋتەردى جانە پرينتەردى كريميناليستىك ساراپتاماعا بەرسە، ەكى قاۋلىدا ءبىر كومپتەردە تەرىلگەنىن جانە ءبىر پرينتەرەدەن شىعارىلعانىن انىقتاۋعا بولادى.
2019 جىلعى 20 شىلدەسىندە مەنەن ءوواتب عيماراتىندا كۋا رەتىندە سۇراق الىنىپ حاتتاما رەتىندە راسىمدەلگەن جاۋاپتاعى قويىلعان قولدار مەنىكى ەمەس بولىپ شىقتى، وعان دالەل مەن سوتتا حاتتامانى قىلمىستىق ىستەن كورىپ، ايتقان كورسەتپەسى جانە باسقا قۇجاتتارداعى ناقتى قولدارىنا ۇقسامايتىندىعى. وسىلاي ول قۇجات زاڭسىز بولىپ وتىر. قر قپك 112 بابىنىڭ 3 تارماعىنا ساي كۇدىكتىنىڭ ودان كۋا رەتiندە الدىن الا جاۋاپ الۋ بارىسىندا بەرگەن ايعاقتارى دالەلدەمەلەر رەتiندە تانىلا المايدى جانە ولاردى ونىڭ جۇبايىنا (زايىبىنا) جانە جاقىن تۋىستارىنا قارسى قولدانۋعا، سونداي-اق كۇدىكتىنى ايىپتاۋ نەگiزiنە جاتقىزۋعا بولمايدى.
وسىمەن قاتار، سوت وتىرىسىندا مەنىڭ لاۋازىمدىق مىندەتتەرىم قااي باسشىسىنىڭ 30.12.2016 جىلعى №795 ساندى بۇيرىعىمەن بەكىتىلمەگەنى جانە ونداي لاۋازىمدىق مىندەتتەر مۇلدەم جوق ەكەندىگى تولىعىمەن انىقتالدى.
ايىپتاۋ اكتىسىندە مەنى نەگىزگى جۇمىس بەرۋشى جانە قم قااي باسشىسى رەتىندە رەتىندە كورسەتكەن.
ەنەرگەتيكا ءمينيسترىنىڭ بۇيرىقتارىن جانە قر ەڭبەك كودەكسىنىڭ تالاپتارىن بۇزعان دەپ ايىپتاعان. بىراق لاۋازىمىما سايكەس مەن ينستيتۋت باسشىلىعىنىڭ قاتارىنا كىرمەيمىن، جۇمىس بەرۋشى ەمەسپىن.
2019 جىلعى 19 جانە 20 شىلدەسىندە وقيعا بولعان جەردى قاراۋ حاتتاماسىن توولتىرعاندا تەرگەۋشى قر قپك 220 بابىنىڭ (قاراپ-تەكسەرۋدى جۇرگiزۋدiڭ جالپى قاعيدالارى) تالاپتارى تىكەلەي بۇزىلعان. اتاپ ايتقاندا:
- تابىلعان iزدەردi جانە وزگە دە ماتەريالدىق وبەكتiلەردi قاراپ-تەكسەرۋ تەرگەۋ ارەكەتi جۇرگiزiلەتiن جەردە جۇزەگە اسىرىلادى. ەگەر قاراپ-تەكسەرۋگە ۇزاق ۋاقىت تالاپ ەتىلسە نەمەسە قىلمىس انىقتالعان جەردە قاراپ-تەكسەرۋ ەلەۋلi تۇردە قيىن بولسا، وبەكتiلەر ول جەردەن الىنىپ، قاپتالىپ، مورلەنىپ جانە بۇلدىرىلمەي، قاراپ-تەكسەرۋگە ىڭعايلى باسقا جەرگە جەتكiزiلۋگە تيiس.
- قاراپ-تەكسەرۋ كەزiندە تابىلعاننىڭ جانە الىپ قويىلعاننىڭ بارلىعى كۋاگەرلەرگە، قاراپ-تەكسەرۋدىڭ باسقا دا قاتىسۋشىلارىنا كورسەتiلۋگە تيiس، بۇل تۋرالى حاتتامادا بەلگi جاسالادى.
- ىسكە قاتىسى بار وبەكتiلەر عانا الىپ قويىلۋعا جاتادى. الىپ قويىلعان وبەكتiلەر قاپتالادى، مورلەنەدى جانە سوتقا دەيىنگى تەرگەپ-تەكسەرۋدى جۇزەگە اسىراتىن ادامنىڭ جانە كۋاگەرلەر تارتىلعان كەزدە ولاردىڭ قول قويۋى ارقىلى راستالادى.
- قاراپ-تەكسەرۋگە قاتىساتىن ادامدار سوتقا دەيىنگى تەرگەپ-تەكسەرۋدى جۇزەگە اسىراتىن ادامنىڭ نازارىن، ءوز پiكiرلەرi بويىنشا، iستiڭ ءمان-جايلارىن انىقتاۋعا ىقپال ەتەتiننىڭ بارلىعىنا اۋدارۋعا قۇقىلى.
وسى اتالعان حاتتامادا وقيعا بولعان جەردەن - كەشەر جانە ەلەكترقۋاتىن بەرەتىن ارقان، تەحنيكا قاۋپسىزدىگى تۋرالى كىتاپ الىنعانى تۋرالى مالىمەت مۇلدەم جوق.
قر قپك 111 بىبىنىڭ 1 تارماعىنا ساي (دالەلدەمەلەر ۇعىمى): «زاڭدى تۇردە الىنعان، ولاردىڭ نەگىزىندە انىقتاۋ ورگانى، انىقتاۋشى، تەرگەۋشi, پروكۋرور، سوت وسى كودەكستە ايقىندالعان تارتiپپەن قازاقستان رەسپۋبليكاسىنىڭ قىلمىستىق كودەكسiندە كوزدەلگەن ءىس-ارەكەتتiڭ بار ەكەنىن نەمەسە جوق ەكەنىن، كۇدىكتىنىڭ، ايىپتالۋشىنىڭ نەمەسە سوتتالۋشىنىڭ بۇل ارەكەتتi جاساعانىن نەمەسە جاساماعانىن، ونىڭ كiنالiلiگiن نە كiناسىزدىگىن، سونداي-اق iستi دۇرىس شەشۋ ءۇشiن ماڭىزى بار وزگە دە ءمان-جايلاردى انىقتايتىن ناقتى دەرەكتەر قىلمىستىق iس بويىنشا دالەلدەمەلەر بولىپ تابىلادى».
وسى جاعداياتا زاتتار: كەشەر جانە ەلەكترقۋاتىن بەرەتىن ارقان، تەحنيكا قاۋىپسىزدىگى تۋرالى كىتاپ زاڭدى تۇردە حاتتاماممەن الىنباعان، تەرگەۋشى ولاردى زاڭسىز دالەلدەمە رەتىندە تاۋىپ وتىر.
قر قپك 122 بابىنا ساي دالەلدەمەلەردى جيناۋ سوتقا دەيىنگى تەرگەپ-تەكسەرۋ جانە سوت تالقىلاۋى پروتسەسىندە وسى كودەكستە كوزدەلگەن پروتسەستىك ارەكەتتەردى جۇرگىزۋ ارقىلى جۇرگىزىلەدى. دالەلدەمەلەردى جيناۋ ولاردى تابۋدى، بەكىتۋدى جانە الىپ قويۋدى قامتيدى.
ءبىزدىڭ جاعدايدا كەشەر جانە ەلەكترقۋاتىن بەرەتىن ارقان، تەحنيكا قاۋپسىزدىگى تۋرالى كىتاپ دالەلدەمەلەر رەتىندە الىنباعان.
قر قپك 123 دالەلدەمەلەردى بەكىتۋ اتتى بابىنا ساي «ناقتى دەرەكتەر پروتسەستىك ارەكەتتەردiڭ حاتتامالارىندا تىركەلگەننەن كەيiن عانا دالەلدەمەلەر رەتiندە پايدالانىلۋى مۇمكىن»، ال كەشەر جانە ەلەكترقۋاتىن بەرەتىن ارقان، تەحنيكا قاۋپسىزدىگى تۋرالى كىتاپ ەشقانداي حاتتامادا تىركەلمەي، زاتتاردى قاراۋ حاتتاماسىندا عانا 2019 جىلعى 29 شىلدەسىندە قر ءىىم ءوواتب عيماراتىندا پايدا بولعان.
وسى زاتتار تەك قانا 2019 جىلعى 29 شىلدەسىندەگى زاتتاردى قاراۋ تۋرالى حاتتاماسىندا قر ءىىم ءوواتب عيماراتىندا تەرگەۋشى كۋزەمباەۆتىڭ كابينەتىندە الماتى قالاسى، قابانباي باتىر كوشەسى 95 ۇيدە پايدا بولادى. ونى تەرگەۋشى ءبىرىنشى رەت قاراپ ءوزىنىڭ حاتتاماسىمەن قىلمىستىق ىسكە ايعاقتى زاتتار رەتىندە تىركەيدى. حاتتامادا ول زاتتار قارار الدىندا «الماتى ايماقتىق گارنيزونىنىن اسكەري پوليتسيا وتريادىنىڭ پاكەتتەر ءۇشىن» دەگەن مورىمەن مورلەنگەنى، ال قول قويعان قر ءىىم ءوواتب تەرگەۋشىسى كۋزەمباەۆ ا.س. دەپ بەلگىلەنگەنى انىقتالعان. قم وقااي پودپولكوۆنيك الپىسباەۆ م.ب. قول قويعان.
وسىلاي، زاتتار مورلەنگەن ءمور قورعانىس مينيسترلىگىنىڭ الماتى ايماقتىق گارنيزونى اسكەري پوليتسيا وتريادىنىكى، ال راستالۋ قولى قر ىشكى ىستەر مينيسترلىگىگى وڭتۇستىك وڭىرلىك اسكەري تەرگەۋ باسقارماسىنىڭ تەرگەۋشىسى كۋزەمباەۆتىكى بولىپ شىعىپ وتىر. ەكى ءار ءتۇرلى مەملەكەتتىك مەكەمەلەردىكى. تەرگەۋشى كۋزەمباەۆ ااگ اسكەري پوليتسياسىندا قىزمەت اتقارمايدى.
وقيعا بولعان جەردى قاراۋ كەزىندە قم قااي قاتىسقان الپىسباەۆقا قر قپك 220 بابى 8 تارماعىنا ساي قاراپ-تەكسەرۋ كەزiندە تابىلعان جانە الىپ قويىلعان زاتتار كورسەتiلمەگەن، بۇل تۋرالى حاتتامادا بەلگi جاسالماعان جانە وسى بابتىڭ 10 تارماعىنا ساي وعان قاراپ-تەكسەرۋگە قاتىساتىن ادامدار سوتقا دەيىنگى تەرگەپ-تەكسەرۋدى جۇزەگە اسىراتىن ادامنىڭ نازارىن، ءوز پiكiرلەرi بويىنشا، iستiڭ ءمان-جايلارىن انىقتاۋعا ىقپال ەتەتiننىڭ بارلىعىنا اۋدارۋ قۇقىعى تۇسىندىرىلمەگەن.
وسىمەن قاتار، قر قپك 221-بۇزىلىپ (زاتتاي دالەلدەمەلەردi قاراپ-تەكسەرۋ جانە ساقتاۋ) 2019 جىلعى 29 شىلدەسىندە تەگرگەۋشى كۋزەمباەۆ وقيعا بولعان جەردەن الىنباعان زاتتار- كەشەر جانە ەلەكترقۋاتىن بەرەتىن ارقان، تەحنيكا قاۋپسىزدىگى تۋرالى كىتاپ قاراپ تەكسەرىلگەن. (1. وقيعا ورنىن، جەرگىلىكتى جەردى نەمەسە ءۇي-جايدى قاراپ-تەكسەرۋ كەزiندە تابىلعان، تiنتۋ، الۋ، تەرگەۋ ەكسپەريمەنتi نەمەسە باسقا تەرگەۋ ارەكەتتەرiن جۇرگىزۋ كەزiندە الىنعان نە سوتقا دەيىنگى تەرگەپ-تەكسەرۋدى جۇزەگە اسىراتىن ادامنىڭ تالاپ ەتۋi بويىنشا ۇيىمدار جانە ازاماتتار ۇسىنعان نارسەلەر وسى كودەكستiڭ 220-بابىنىڭ قاعيدالارى بويىنشا قاراپ-تەكسەرىلۋگە جاتادى.
وسى سەبەپتەرگە بايلانستى ناقتى دەرەكتەر، ەگەر ولار قپك تالاپتارى بۇزىلا وتىرىپ الىنسا قر قپك 112 بابىنا ساي دالەلدەمەلەر رەتىندە جول بەرىلمەيتىن ناقتى دەرەكتەر دالەلدەمەلەر رەتiندە پايدالانۋعا جول بەرiلمەيدi دەپ تانىلۋعا تيiس.
قر قپك 119 بابىنىڭ 1 تارماعىنا ساي ەلەكتروتەحنيكالىق ماماندار ت.س. ساناتوۆا جانە م.ۆ.باشكيروۆ جۇرگىزگەن وقيعا بولعان جەردى قاراپ-تەكسەرۋگە، زاتتاي دالەلدەمەلەردى زەرتتەۋ كەزىندە انىقتالعان دەرەكتەر تۋرالى حاتتامالار جاسالىنباعان. سوندىقتان دالەلدەمەلەر بولىپ تابىلمايدى.
وسىلاي، قر قپك 112 بابىنىڭ 2 تارماعى 5) تارماقشاسىنا ساي پروتسەستىك ارەكەتتى جۇرگiزۋ ءتارتiبiن ەلەۋلى تۇردە بۇزۋ ارقىلى دالەلدەمەلەر جينالعان.
كاپيتان اسىلبەك ەلەمەسوۆ
