ايماقتا كەز-كەلگەن ۋاقىتتا كۇشتى جەر سىلكىنىسى بولۋى مۇمكىن.
سەيسمولوگتار الماتى مەن الماتى وبلىسىنىڭ تۇرعىندارىن «وتە قاجەت چەموداندار» دايىنداۋعا شاقىرادى. ءتورت كۇن ىشىندە وبلىستا ءتورت ءدۇمپۋ تىركەلدى، دەپ حابارلايدى Today.kz كتك-عا سىلتەمە جاساپ.
سوڭعى جەر سىلكىنىسى كەشە بولدى. ونىڭ ەپيتسەنترى وبلىس اۋماعىندا الماتىدان 230 شاقىرىم جەردە بولدى. 3 باللدىق جەر سىلكىنىسىن تالدىقورعان مەن تەكەلى تۇرعىندارى سەزىندى.
ماماندار الداعى جىلدارى ايماقتا جويقىن جەر سىلكىنىسى بولۋى مۇمكىن ەكەنىن جوققا شىعارمايدى.
بولجام كەزەڭدىلىك گيپوتەزاسىمەن بايلانىستى. الماتى وبلىسىندا جويقىن جەر سىلكىنىسى 100-140 جىلدا ءبىر رەت بولادى. سوڭعى تراگەديا وتكەن عاسىردىڭ باسىندا بولدى. سول كەزدەگى كەمين جەر سىلكىنىسى 400-دەن استام ادامنىڭ ءومىرىن قيدى.
بۇل جاعدايدىڭ قايتالانباۋى ءۇشىن سەيسمولوگيا ينستيتۋتى جەر قىرتىسىنىڭ بارلىق اۋىتقۋلارىن مۇقيات قاداعالاپ وتىرادى.
«كەز-كەلگەن ۋاقىتتا مۇندا وسىنداي جەر سىلكىنىسى بولۋى مۇمكىن. وسىعان بايلانىستى سەيسمولوگتار عانا ەمەس، ءبىز ءبارىمىز، مەملەكەتتىك ورگاندار، سەيسمولوگتار، الماتى مەن الماتى وبلىسىنىڭ بارلىق تۇرعىندارى دايىن بولۋىمىز كەرەك. ءبىز اياق استى وقىس وقيعالاردىڭ بولۋى مۇمكىن كەزەڭدە ەكەنىمىزدى ءتۇسىنۋىمىز كەرەك» - دەدى سەيسمولوگيا ينستيتۋتىنىڭ ايماقتىق سەيسميكالىق زەرتحاناسىنىڭ مەڭگەرۋشىسى اللا سادىقوۆا.
