Aımaqta kez-kelgen ýaqytta kúshti jer silkinisi bolýy múmkin.
Seısmologtar Almaty men Almaty oblysynyń turǵyndaryn «óte qajet chemodandar» daıyndaýǵa shaqyrady. Tórt kún ishinde oblysta tórt dúmpý tirkeldi, dep habarlaıdy Today.kz KTK-ǵa silteme jasap.
Sońǵy jer silkinisi keshe boldy. Onyń epıentri oblys aýmaǵynda Almatydan 230 shaqyrym jerde boldy. 3 balldyq jer silkinisin Taldyqorǵan men Tekeli turǵyndary sezindi.
Mamandar aldaǵy jyldary aımaqta joıqyn jer silkinisi bolýy múmkin ekenin joqqa shyǵarmaıdy.
Boljam kezeńdilik gıpotezasymen baılanysty. Almaty oblysynda joıqyn jer silkinisi 100-140 jylda bir ret bolady. Sońǵy tragedııa ótken ǵasyrdyń basynda boldy. Sol kezdegi Kemın jer silkinisi 400-den astam adamnyń ómirin qıdy.
Bul jaǵdaıdyń qaıtalanbaýy úshin Seısmologııa ınstıtýty jer qyrtysynyń barlyq aýytqýlaryn muqııat qadaǵalap otyrady.
«Kez-kelgen ýaqytta munda osyndaı jer silkinisi bolýy múmkin. Osyǵan baılanysty seısmologtar ǵana emes, biz bárimiz, memlekettik organdar, seısmologtar, Almaty men Almaty oblysynyń barlyq turǵyndary daıyn bolýymyz kerek. Biz aıaq asty oqys oqıǵalardyń bolýy múmkin kezeńde ekenimizdi túsinýimiz kerek» - dedi seısmologııa ınstıtýtynyń aımaqtyq seısmıkalyq zerthanasynyń meńgerýshisi Alla Sadyqova.
