يراندا قازا بولعان گەنەرالمەن قوشتاسۋ ءراسىمى كەزىندە دونالد ترامپتىڭ باسى ءۇشىن 80 ملن دوللار تاعايىندالدى. بۇل قاراجاتتى يراندىقتار جيناماق دەپ حابارلايدى KAZ.NUR.KZ.
بۇل تۋرالى يراننىڭ مەملەكەتتىك ارنالارىنىڭ بىرىندە تىكەلەي ەفيردە يران حالقى امەريكا پرەزيدەنتىنىڭ بۇيرىعىمەن اۋە شابۋىلىندا قازا تاپقان گەنەرال سۇلەيمەنىمەن قوشتاسقان كەزدە حابارلاندى. ترامپتىڭ "باسىنا" بەرىلەتىن سىياقى تۋرالى سوزدەردى قارالى جيىندا پانەگيريست ايتقان.
يراندا قازىرگى ۋاقىتتا 80 ملن ادام ءومىر سۇرەدى. پانەگيريستىڭ سوزىنشە، ەگەر ءار يراندىق ءبىر دوللاردان بەرسە، وندا 80 ملن دوللار جيناۋعا بولادى. Mirror باسىلىمىنىڭ جازۋىنشا، پانەگيريست بۇل سوما اقش كوشباسشىسىنىڭ باسىن اكەلگەن ادامعا سىياقى رەتىندە بەرۋگە جەتەدى دەپ ەسەپتەيدى.
ءراسىمدى Iran’s Channel One تەلەارناسى 5 قاڭتاردا ترانسلياتسيالاعان. پانەگيريست شۋلى مالىمدەمەسىن مەشحەدە حالقىنا قاراتا ايتقان. بۇل يراندا حالقى كوپ، ءىرى قالالاردىڭ ءبىرى. پانەگيريستىڭ اتى-ءجونى انىقتالماعان.
Twitter جەلىسىندە پانەگيريستىڭ ايتقان مالىمدەمەسى اسقان تانىمالدىلىققا يە بولعان.
