İranda qaza bolǧan generalmen qoştasu räsımı kezınde Donald Tramptyŋ basy üşın 80 mln dollar taǧaiyndaldy. Būl qarajatty irandyqtar jinamaq dep habarlaidy KAZ.NUR.KZ.
Būl turaly İrannyŋ memlekettık arnalarynyŋ bırınde tıkelei efirde İran halqy Amerika prezidentınıŋ būiryǧymen äue şabuylynda qaza tapqan general Süleimenımen qoştasqan kezde habarlandy. Tramptyŋ "basyna" berıletın syiaqy turaly sözderdı qaraly jiynda panegirist aitqan.
İranda qazırgı uaqytta 80 mln adam ömır süredı. Panegiristıŋ sözınşe, eger är irandyq bır dollardan berse, onda 80 mln dollar jinauǧa bolady. Mirror basylymynyŋ jazuynşa, panegirist būl soma AQŞ köşbasşysynyŋ basyn äkelgen adamǧa syiaqy retınde beruge jetedı dep esepteidı.
Räsımdı Iran’s Channel One telearnasy 5 qaŋtarda transliasiialaǧan. Panegirist şuly mälımdemesın Meşhede halqyna qarata aitqan. Būl İranda halqy köp, ırı qalalardyŋ bırı. Panegiristıŋ aty-jönı anyqtalmaǧan.
Twitter jelısınde panegiristıŋ aitqan mälımdemesı asqan tanymaldylyqqa ie bolǧan.
