Bek Air اۋەكومپانياسىن كىم باسقارادى؟

3228
Adyrna.kz Telegram

ادىلەت مينيسترلىگىنىڭ وكىلدەرى Bek Air اۋەكومپانياسىنىڭ باسشىلارى تۋرالى ايتتى، - دەپ حابارلايدى "ادىرنا"  Tengrinews.kz اقپارات اگەنتتىگىنە سىلتەمە جاساپ.

"ادىلەت مينيسترلىگىنىڭ ءباسپاسوز قىزمەتىنە "BEK AIR" جشس اۋەكومپانياسىنىڭ قۇرىلتايشىلارىنا قاتىستى باق-تىڭ كوپتەگەن ساۋالحاتى ءتۇستى. زاڭعا سايكەس جشس-نىڭ اففيليرلەنگەن تۇلعالارى تۋرالى مالىمەتتەر قىزمەتتىك، كوممەرتسيالىق نەمەسە زاڭ بويىنشا قورعالاتىن وزگە دە قۇپيا اقپارات بولىپ سانالمايدى. بۇل رەتتە جشس قۇرىلتايشىلارى مەن قاتىسۋشىلارى - ونىڭ ۇلەستەس تۇلعالارى", - دەدى ادىلەت مينيسترلىگىنىڭ وكىلدەرى.

"بيزنەس-سايكەستەندىرۋ نومىرلەرىنىڭ ۇلتتىق ءتىزىلىمىنىڭ مالىمەتىنشە، BEK AIR جشس 2011 جىلدىڭ 12 مامىرىندا تىركەلگەن. باسشىسى - موناحوۆ ۆلاديمير ميحايلوۆيچ، قۇرىلتايشىسى - جارقىمباەۆ ساكەن توقپايۇلى. 2017 جىلدىڭ 18 ساۋىرىندە قۇرىلتايشىنىڭ اۋىسۋىنا بايلانىستى (شۇلەنباەۆ دامير ماراتۇلى) قايتا تىركەۋ جۇرگىزىلدى", - دەلىنگەن حابارلامادا.

ء"ۇش رەت باسشى اۋىسقان. 2013 جىل 29 شىلدە - جۇماسۇلتانوۆا ايگۇل فايزۋللاقىزى، 2016 جىل 18 شىلدە  - جۇماسۇلتانوۆا دينا نۇرلانقىزى. 2019 جىلىى 25 ءساۋىر - بياحمەتوۆ رۋستام ءىلياسۇلى", - دەپ قوستى مينيسترلىك وكىلدەرى.

وسىعان دەيىن، Bek Air اۋەكومپانياسىنىڭ باسقارما توراعاسى نۇرلان جۇماسۇلتانوۆ بۇرىندارى اۆياتسيالىق وقيعالار مەن وقىس وقيعالاردى تەكسەرۋ جونىندەگى باسقارمانى باسقارعانى ايتىلدى.

وسىعان دەيىن الەۋمەتتىك جەلىدە بۇل كومپانيانىڭ ەلدەگى ەڭ ىقپالدى 50 بيزنەسمەننىڭ قاتارىندا بولعان نۇربول سۇلتانعا تيەسىلى دەگەن اقپارات جۇرگەن ەدى. ونىڭ اكەسى سارىباي سۇلتانۇلى قالمىرزاەۆ - قازاقستانداعى تانىمال ادامداردىڭ قاتارىندا.

ارتىنان نۇربول سۇلتان بۇل اۆياكومرانيانى ساتىپ، اقش-قا قونىس اۋدارعان دەگەن مالىمەت شىقتى.

"ادىرنا" ۇلتتىق پورتالى

پىكىرلەر