Bek Air áýekompanııasyn kim basqarady?

3230
Adyrna.kz Telegram

Ádilet mınıstrliginiń ókilderi Bek Air áýekompanııasynyń basshylary týraly aıtty, - dep habarlaıdy "Adyrna"  Tengrinews.kz aqparat agenttigine silteme jasap.

"Ádilet mınıstrliginiń baspasóz qyzmetine "BEK AIR" JShS áýekompanııasynyń quryltaıshylaryna qatysty BAQ-tyń kóptegen saýalhaty tústi. Zańǵa sáıkes JShS-nyń affılırlengen tulǵalary týraly málimetter qyzmettik, kommerııalyq nemese zań boıynsha qorǵalatyn ózge de qupııa aqparat bolyp sanalmaıdy. Bul rette JShS quryltaıshylary men qatysýshylary - onyń úlestes tulǵalary", - dedi Ádilet mınıstrliginiń ókilderi.

"Bıznes-sáıkestendirý nómirleriniń ulttyq tiziliminiń málimetinshe, BEK AIR JShS 2011 jyldyń 12 mamyrynda tirkelgen. Basshysy - Monahov Vladımır Mıhaılovıch, quryltaıshysy - Jarqymbaev Sáken Toqpaıuly. 2017 jyldyń 18 sáýirinde quryltaıshynyń aýysýyna baılanysty (Shúlenbaev Damır Maratuly) qaıta tirkeý júrgizildi", - delingen habarlamada.

"Úsh ret basshy aýysqan. 2013 jyl 29 shilde - Jumasultanova Aıgúl Faızýllaqyzy, 2016 jyl 18 shilde  - Jumasultanova Dına Nurlanqyzy. 2019 jylyy 25 sáýir - Bııahmetov Rýstam Ilııasuly", - dep qosty mınıstrlik ókilderi.

Osyǵan deıin, Bek Air áýekompanııasynyń basqarma tóraǵasy Nurlan Jumasultanov buryndary avıaııalyq oqıǵalar men oqys oqıǵalardy tekserý jónindegi basqarmany basqarǵany aıtyldy.

Osyǵan deıin áleýmettik jelide bul kompanııanyń eldegi eń yqpaldy 50 bıznesmenniń qatarynda bolǵan Nurbol Sultanǵa tıesili degen aqparat júrgen edi. Onyń ákesi Sarybaı Sultanuly Qalmyrzaev - Qazaqstandaǵy tanymal adamdardyń qatarynda.

Artynan Nurbol Sultan bul avıakomranııany satyp, AQSh-qa qonys aýdarǵan degen málimet shyqty.

"Adyrna" ulttyq portaly

Pikirler