يمانعالي تاسماعامبەتوۆ قاجىلىققا (ۋمراعا) – ساياسي كۇرەستەن قاجىپ، رۋحاني دەمەۋ ىزدەپ، شاراسىزدىقتان بارعان cەكىلدى بولىپ كورىندى وزىمە. الەۋمەتتىك جەلىنى شارلاپ كەتكەن الگى سۋرەتىندە، قاجىلىققا ونى بىرەۋ سۇيرەپ اپارعانداي بولىپ سوستيىپ قالىپتى. ءوڭى سولعىن، كوڭىلسىز تۇر. بەت الپەتىندە ساراي ماڭىنداعى بولىپ جاتقان ينتريگانىڭ تابى بايقالادى. نەگىزى، ساياساتتا جۇرگەن ادامداردىڭ كوبى مۇنداي نارسەگە بارا بەرمەيدى. كەشە عانا كومسومولدىڭ 100 جىلدىعىن اتاپ ءوتىپ، سونىڭ بەل ورتاسىندا جۇرگەن ادامنىڭ اياق استى مۇنداي قادامعا بارۋىنا باسقا نە تۇرتكى بولۋى مۇمكىن؟ ءيا، ول «مەرەيتويعا» دا ءوز ەركىمەن بارماعانى كورىنىپ تۇر عوي. اعامىز ۋمراعا اتتانىپ بارا جاتقاندا، مىنا جاقتاعا بار پروبلەماسىن اۋىر جۇك قىلىپ، وزىمەن بىرگە سول جاققا الا بارعان. ويتكەنى، سوندا بارا سالىسىمەن ءىنىسى دە بىردەن تەرگەۋگە الىندى. قاجىلىققا بارۋدى بۇرىننان جوسپارلاعان بولۋى دا مۇمكىن. بىراق ونى سوڭعى كەزدەگى باسىنان ءوتىپ جاتقان جاعدايلار تەزدەتىپ جىبەرگەن سەكىلدى. قاجىلىقتان تىنىشتىق ىزدەپ، كىشكەنە بولسىن رۋحاني دەمەۋ الىپ قايتقىسى كەلدى مە ەكەن، كىم ءبىلسىن؟! شەشەسى قايتىس بولعاندا، بۇكىل اقىن-جازۋشىلار مەن سپورتشىلارعا دەيىن كوڭىل ايتىپ باردى. اقشاسىن تولەپ، چارتەرلىك رەيسپەن ءبارىن ءبىر-اق الىپ بارعان عوي دەيمىن. ءتىپتى، «اسىل ارنانىڭ» بۇكىل سايمانىن سۇيرەتىپ، انشەيىندە اعامىزبەن جولى تۇيىسە بەرمەيتىن مۇحامەدجان تازابەككە دەيىن سوندا ءجۇر. مۇحاڭ ەندى «اقىرەتىن» (بولاشاعىن) ويلاپ بارعان عوي. وتباسىنىڭ ماڭىندا بولىپ جاقتان ساياسي ينتريگا اناسىنا قاتتى اسەر ەتكەندەي بولىپ كورىندى. ءبىر كىسىلەر قازانى سونىمەن بايلانىستىرىپتى. جاڭادان قۇرىلعان ءبىر پارتياعا قولداۋ بىلدىرگەن دەگەن سىبىس تا شىعىپ جاتىر. يمەكەڭ قازىر نە ىستەرىن بىلمەي، قاتتى وي ۇستىندە جۇرگەن سياقتى..
امانعالي راحمەت
ينتەرنەت يىرىمىنەن
