Imanǵalı Tasmaǵambetov qajylyqqa (Ýmraǵa) – saıası kúresten qajyp, rýhanı demeý izdep, sharasyzdyqtan barǵan cekildi bolyp kórindi ózime. Áleýmettik jelini sharlap ketken álgi sýretinde, qajylyqqa ony bireý súırep aparǵandaı bolyp sostıyp qalypty. Óńi solǵyn, kóńilsiz tur. Bet álpetinde saraı mańyndaǵy bolyp jatqan ıntrıganyń taby baıqalady. Negizi, saıasatta júrgen adamdardyń kóbi mundaı nársege bara bermeıdi. Keshe ǵana komsomoldyń 100 jyldyǵyn atap ótip, sonyń bel ortasynda júrgen adamnyń aıaq asty mundaı qadamǵa barýyna basqa ne túrtki bolýy múmkin? Iá, ol «mereıtoıǵa» da óz erkimen barmaǵany kórinip tur ǵoı. Aǵamyz ýmraǵa attanyp bara jatqanda, myna jaqtaǵa bar problemasyn aýyr júk qylyp, ózimen birge sol jaqqa ala barǵan. Óıtkeni, sonda bara salysymen inisi de birden tergeýge alyndy. Qajylyqqa barýdy burynnan josparlaǵan bolýy da múmkin. Biraq ony sońǵy kezdegi basynan ótip jatqan jaǵdaılar tezdetip jibergen sekildi. Qajylyqtan tynyshtyq izdep, kishkene bolsyn rýhanı demeý alyp qaıtqysy keldi me eken, kim bilsin?! Sheshesi qaıtys bolǵanda, búkil aqyn-jazýshylar men sportshylarǵa deıin kóńil aıtyp bardy. Aqshasyn tólep, charterlik reıspen bárin bir-aq alyp barǵan ǵoı deımin. Tipti, «Asyl arnanyń» búkil saımanyn súıretip, ánsheıinde aǵamyzben joly túıise bermeıtin Muhamedjan Tazabekke deıin sonda júr. Muhań endi «aqyretin» (bolashaǵyn) oılap barǵan ǵoı. Otbasynyń mańynda bolyp jaqtan saıası ıntrıga anasyna qatty áser etkendeı bolyp kórindi. Bir kisiler qazany sonymen baılanystyrypty. Jańadan qurylǵan bir partııaǵa qoldaý bildirgen degen sybys ta shyǵyp jatyr. Imekeń qazir ne isterin bilmeı, qatty oı ústinde júrgen sııaqty..
Amanǵalı Rahmet
Internet ıiriminen
