كەشەگى پۋتين ايتقان سوزگە بەكەر ءمان بەرمەدىك

3662

ونىڭ ايتۋىنشا، قازىر 75 مىڭ (!) قازاقستاندىق جاس رەسەيدە وقىپ ءجۇر. سوندىقتان رەسەيلىكتەر ومبىداعى تەحنيكالىق ۋنيۆەرسيتەت جانىنان ەلىمىزدەن وقۋعا كەتكەن جاستارىمىز ءۇشىن بولەك كامپۋس سالماق. ستۋدەنتتەرگە ارنالعان بۇل قالاشىقتا جاتاقحانا، ويىن-ساۋىق كەشەندەرى، كىتاپحانا، كوۆوركينگ ورتالىقتار بولادى دەپ جوسپارلانۋدا.

دەمەك، 4-6 جىلدىڭ ىشىندە ستۋدەنتتەردىڭ قازاقستانمەن بايلانىستى مۇلدەم ءۇزىلۋى مۇمكىن. وعان بىرنەشە ناقتى سەبەپ بار. ءبىرىنشىدەن، رەسەيلىك اسسيميلياتسيا پروتسەسى. ەكىنشىدەن، قازاقستاندا ولارمەن ەشكىم جۇمىس جاسامايدى. قاۋىمداستىق جوق، ستاجيروۆكاعا شاقىرمايمىز، جۇمىس ۇسىنبايمىز. ەڭ باستىسى – پراگماتيكالىق سەبەپ. وندا ستۋدەنتتەر ءۇشىن ءبارى بار. جەكە زاماناۋي تۇراتىن جەر، تەگىن وقۋ، جوعارى شاكىرتاقى (مەن وقىعاندا شامامەن 20 مىڭ رۋبل شاكىرتاقى الدىم). قوسىمشا جۇمىس تۇرلەرى كوپ جانە بىتىرگەننەن كەيىن جۇمىس تابۋ وتە وڭاي.

ياعني سالىناتىن كامپۋس – ومبىدا وقيتىن 12 مىڭعا جۋىق قازاق جاستارىنىڭ ەلگە ورالماۋىنا جول اشاتىن جوبا.

بىزدە قازىر جالعىز مۇمكىندىك بار. قازاقستاننان كەتكەن ستۋدەنتتەرمەن تىعىز جۇمىس ىستەۋىمىز كەرەك. جاستارعا يدەولوگيالىق، اقپاراتتىق قولداۋ بولاتىن ارنايى جوبالار باستاۋىمىز قاجەت.

بۇلاي جالعاسا بەرسە «ينتەللەكتۋالدىق سىڭسۋ» ايتاتىن كەز دە كەلەدى.

ماكسيم سپوتكايدىڭ فەيسبۋك پاراقشاسىنان

پىكىرلەر