Keshegi Pýtın aıtqan sózge beker mán bermedik

3664

Onyń aıtýynsha, qazir 75 myń (!) qazaqstandyq jas Reseıde oqyp júr. Sondyqtan reseılikter Ombydaǵy tehnıkalyq ýnıversıtet janynan elimizden oqýǵa ketken jastarymyz úshin bólek kampýs salmaq. Stýdentterge arnalǵan bul qalashyqta jataqhana, oıyn-saýyq keshenderi, kitaphana, kovorkıng ortalyqtar bolady dep josparlanýda.

Demek, 4-6 jyldyń ishinde stýdentterdiń Qazaqstanmen baılanysty múldem úzilýi múmkin. Oǵan birneshe naqty sebep bar. Birinshiden, reseılik assımılıaııa proesi. Ekinshiden, Qazaqstanda olarmen eshkim jumys jasamaıdy. Qaýymdastyq joq, stajırovkaǵa shaqyrmaımyz, jumys usynbaımyz. Eń bastysy – pragmatıkalyq sebep. Onda stýdentter úshin bári bar. Jeke zamanaýı turatyn jer, tegin oqý, joǵary shákirtaqy (men oqyǵanda shamamen 20 myń rýbl shákirtaqy aldym). Qosymsha jumys túrleri kóp jáne bitirgennen keıin jumys tabý óte ońaı.

Iaǵnı salynatyn kampýs – Ombyda oqıtyn 12 myńǵa jýyq qazaq jastarynyń elge oralmaýyna jol ashatyn joba.

Bizde qazir jalǵyz múmkindik bar. Qazaqstannan ketken stýdenttermen tyǵyz jumys isteýimiz kerek. Jastarǵa ıdeologııalyq, aqparattyq qoldaý bolatyn arnaıy jobalar bastaýymyz qajet.

Bulaı jalǵasa berse «ıntellektýaldyq syńsý» aıtatyn kez de keledi.

Maksım Spotkaıdyń Feısbýk paraqshasynan

Pikirler