سايات ابەنوۆ: «ول كەزدە جالدامالى لاشىق ۇيدە تۇراتىنبىز»

372

مۇگەدەك ۇلى مەن ايەلىن تاستاپ كەتتى دەپ ايىپتالعان سايات ابەنوۆ ءوزىنىڭ ينستاگرامم پاراقشاسىنا «وتكەن ءومىر» دەپ اقتالۋ پوستىن سالدى، دەپ جازادى Oinet.kz.

«استارلى اقيقات» باعدارلاماسىنا تورعايلىق اقىننىڭ جارى مەن ۇلى كومەك سۇراپ كەلگەن ەدى. اقىننان بۇندايدى كۇتپەگەن حالىق، كوپتەگەن نەگاتيۆ پىكىرلەر جازىپ، ابەنوۆتەن ۇلىن ەمدەتۋگە قاراجات جاعىنان كومەك قولىن سوزۋىن سۇرادى.

وسىعان وراي:

«جەكە ءومىرىم جايلى ەمەس وتكەن ءومىرىم جايلى ايتىپ بەرەيىن. كونتسەرتىمە دەيىنگى كونتسەرت وسى شىعار. ايتپەسە ىشىمە سىيماي كەتتى. جالپى سىرتىم كۇلىپ جۇرگەنمەن ءىشىم مۇڭعا تولى. بىرەۋ سەزىنەر، بىرەۋ سەزىنبەس. " باقىتسىز نەكە" دەگەن تۋىندىمدى وقىعان كىسىلەر تۇسىنگەن شىعار؟! ستۋدەنتتىك شاعىمداعى ۇلكەن قاتەلىگىمنەن باستايىن. ويدا ەشتەڭە جوق، جۇرت قۇساپ قىزبەن جۇرەيىك دەپ جاتاقحانادا ماحابباتقا ەرىك بەردىك. سودان ءبىر قىزبەن جۇرە باستادىم. كەيىننەن ۇرىسىپ قالىپ قايتا قاۋىشتىق. قاۋىشقان كۇن - ءبىزدىڭ ءومىرىمىزدى وزگەرتتى. ارادا ەكى اپتا وتكەن سوڭ " جۇكتىمىن " دەگەن حابار ايتتى. ول كەزدە وتباسى قۇرۋعا دەگەن سەنىمى ازداۋ جاسپىن. باس تارتسام اناسى ارىزىن دايىنداپ وتىر. ال اكەسى (دتسپ) اۋرۋىمەن اۋىرىپ ەرتەرەكتە قايتقان ەكەن. سودان جۇرەك قالاماسا دا قىز ۇزاتۋ تويى ءوتتى. قىز ۇزاتۋ تويىندا اناسى (ەنەم) مىناداي تىلەگىن جەتكىزدى " بۇل قىزىمدى بۇعان بەرگەنشە باسقا جىگىتكە بەرۋىم كەرەك ەدى. جارار، وزدەرى ءبىلسىن " دەدى. سول تىلەگى ءالى كۇنگە دەيىن كوكەيىمدە.

نە بولسا دا جۇرتقا كۇلكى بولمايىق دەپ ۇيلەنۋ تويىن جاسادىق. سودان ارادا ۋاقىت ءوتىپ دۇنيەگە ۇل كەلدى. ءسابيدىڭ ەش جازىعى جوق قوي شىنى كەرەك ءسابيلى بولعانىم ءۇشىن قاتتى قۋاندىم. ول قۋانىشىمىز بىراقتا ۇزاققا سوزىلمادى. ءبىر كۇنى وقۋدا ءجۇرىپ ۇيگە حابارلاسسام ەكەۋى كەتىپ قالدى دەيدى اناشىم.

نەكە ساقيناسىن وتكىزىپ ءوز اۋىلانان ءبىر-اق شىققان ەكەن.(ول كەزدە جالدامالى لاشىق ۇيدە تۇرامىز. جاعدايىمىز وتە ناشار. ) ەندى وتباسى بولعان سوڭ ىدىس-اياق سىلدىرلاماي تۇرمايدى. ولاي دەيىن دەسەم دە مەن باسقا قالادا وقۋدا ءجۇرمىن. جاعدايدىڭ تومەندىگىنەن كەتكەن شىعار دەپ وي ءتۇيدىم. حابارلاسسام كوتەرمەيدى. تىم بولماسا ۇلىممەن سويلەستىر دەسەم دە كونبەيدى. سودان قاتتى قينالىپ كەتتىم. اتا-انام مەن تۋىس-تۋعاندارىم جۇباتىپ ايتەۋىر باسۋ ايتتى. باۋىر باسىپ قالعان دا قيىن ەكەن. اقىرى ءۇمىتىم ءۇزىلىپ ورالماسىنا كوزىم جەتتى. باسقا ءومىر جولىن باستاپ مەن دە ءوز جونىممەن كەتتىم. اللانىڭ بەرگەن باعى - اقىندىعىم جانىما سەرىك بولدى.

مەنى جەكە ءومىرىم تاستاپ كەتسە دە جەكە ونەرىم تاستاعان جوق. سودان ارادا ءبىراز جىل ءوتىپ اتىم شىعا باستاعاندا حابارلاستى. ول كەزدە ءبارى وزگەرگەن. ويتكەنى باسقامەن تۇرمىس قۇرعان ەكەن. بىراقتا ونىڭ كۇيەۋى جول اپاتىنان كوز جۇمىپتى. سودان ءبىر بالاسى بار.ەكى بالامەن قينالىپ كەتكەن سوڭ اليمەنتكە ارىز بەرىپتى. ارينە ۇلىم ءۇشىن تولەۋگە دايىن بولدىم»، - دەپ جازدى.

پىكىرلەر