Múgedek uly men áıelin tastap ketti dep aıyptalǵan Saıat Ábenov óziniń ınstagramm paraqshasyna «Ótken ómir» dep aqtalý postyn saldy, dep jazady Oinet.kz.
«Astarly aqıqat» baǵdarlamasyna Torǵaılyq aqynnyń jary men uly kómek surap kelgen edi. Aqynnan bundaıdy kútpegen halyq, kóptegen negatıv pikirler jazyp, Ábenovten ulyn emdetýge qarajat jaǵynan kómek qolyn sozýyn surady.
Osyǵan oraı:
«Jeke ómirim jaıly emes ótken ómirim jaıly aıtyp bereıin. Konertime deıingi konert osy shyǵar. Áıtpese ishime syımaı ketti. Jalpy syrtym kúlip júrgenmen ishim muńǵa toly. Bireý seziner, bireý sezinbes. " Baqytsyz neke" degen týyndymdy oqyǵan kisiler túsingen shyǵar?! Stýdenttik shaǵymdaǵy úlken qateligimnen bastaıyn. Oıda eshteńe joq, jurt qusap qyzben júreıik dep jataqhanada mahabbatqa erik berdik. Sodan bir qyzben júre bastadym. Keıinnen urysyp qalyp qaıta qaýyshtyq. Qaýyshqan kún - bizdiń ómirimizdi ózgertti. Arada eki apta ótken soń " júktimin " degen habar aıtty. Ol kezde otbasy qurýǵa degen senimi azdaý jaspyn. Bas tartsam anasy aryzyn daıyndap otyr. Al ákesi (dtsp) aýrýymen aýyryp erterekte qaıtqan eken. Sodan júrek qalamasa da qyz uzatý toıy ótti. Qyz uzatý toıynda anasy (enem) mynadaı tilegin jetkizdi " bul qyzymdy buǵan bergenshe basqa jigitke berýim kerek edi. Jarar, ózderi bilsin " dedi. Sol tilegi áli kúnge deıin kókeıimde.
Ne bolsa da jurtqa kúlki bolmaıyq dep úılený toıyn jasadyq. Sodan arada ýaqyt ótip dúnıege ul keldi. Sábıdiń esh jazyǵy joq qoı shyny kerek sábıli bolǵanym úshin qatty qýandym. Ol qýanyshymyz biraqta uzaqqa sozylmady. Bir kúni oqýda júrip úıge habarlassam ekeýi ketip qaldy deıdi anashym.
Neke saqınasyn ótkizip óz aýylanan bir-aq shyqqan eken.(Ol kezde jaldamaly lashyq úıde turamyz. Jaǵdaıymyz óte nashar. ) Endi otbasy bolǵan soń ydys-aıaq syldyrlamaı turmaıdy. Olaı deıin desem de men basqa qalada oqýda júrmin. Jaǵdaıdyń tómendiginen ketken shyǵar dep oı túıdim. Habarlassam kótermeıdi. Tym bolmasa ulymmen sóılestir desem de kónbeıdi. Sodan qatty qınalyp kettim. Ata-anam men týys-týǵandarym jubatyp áıteýir basý aıtty. Baýyr basyp qalǵan da qıyn eken. Aqyry úmitim úzilip oralmasyna kózim jetti. Basqa ómir jolyn bastap men de óz jónimmen kettim. Allanyń bergen baǵy - aqyndyǵym janyma serik boldy.
Meni jeke ómirim tastap ketse de jeke ónerim tastaǵan joq. Sodan arada biraz jyl ótip atym shyǵa bastaǵanda habarlasty. Ol kezde bári ózgergen. Óıtkeni basqamen turmys qurǵan eken. Biraqta onyń kúıeýi jol apatynan kóz jumypty. Sodan bir balasy bar.Eki balamen qınalyp ketken soń álımentke aryz beripti. Árıne ulym úshin tóleýge daıyn boldym», - dep jazdy.
