4 ماۋسىم كۇنى باتىس قازاقستان وبلىسى، سىرىم اۋدانىنا قاراستى جىمپيتى اۋىلىندا ءورت شىقتى. سالدارىنان ءبىر ءۇيدىڭ بەس بالاسى قازا تاپتى، دەپ حابارلايدى "ادىرنا" ۇلتتىق پورتالى.
2019, 2020, 2021, 2023 جانە 2024 جىلدارى تۋعان بەس بالا كوز جۇمدى.
توتەنشە جاعدايلار دەپارتامەنتىنىڭ مالىمەتىنشە، ءورت تۋرالى حابار ساعات 15:00 شاماسىندا تۇسكەن. بەس مينۋتتان كەيىن قۇتقارۋشىلار وقيعا ورنىنا جەتكەن.
«وسى ۋاقىتتا ساعىرباەۆ كوشەسىندەگى جەكە تۇرعىن ۇيدە 30 شارشى مەتر اۋماقتا جەكە زاتتار مەن جيھازدار جانىپ جاتقان. قۇتقارۋشىلار بەس بالانى ەس-ءتۇسسىز كۇيدە ۇيدەن الىپ شىقتى»، – دەلىنگەن تجد حابارلاماسىندا.
بالالار اۋداندىق اۋرۋحاناعا جەتكىزىلگەنمەن، وكىنىشكە قاراي، كوز جۇمعان.
الدىن الا مالىمەت بويىنشا، ولاردىڭ ولىمىنە ءيىس تيۋ، كومىرقىشقىل گازىنان ۋلانۋ سەبەپ بولعان. اۋدان اكىمدىگىنىڭ حابارلاۋىنشا، وتباسى ءۇيدى جالعا الىپ تۇرعان. ءورت كەزىندە اناسى اۋىل دۇكەنىندە جۇمىس ىستەپ جۇرگەن، ال اكەسى دە ۇيدە بولماعان.
قازىرگى تاڭدا بالالاردىڭ ولىمىنە بايلانىستى پوليتسيا قىلمىستىق ءىس قوزعادى.
